ءۇندىستاندا 20 جاستاعى قىزدى يند وزەنىڭ بويىندا دارەت الىپ جاتقان كەزدە قولتىراۋىن ازىق ەتتى دەپ جازادى قامشى اقپاراتتىق اگەنتتىگى.
قايعىلى جاعداي سولتۇستىكتە ورنالاسقان ۋتتار – پرادەش شتاتى، چامبال ۇلتتىق پاركىندە ورىن الدى. ۇندىستەردىڭ «ەكاداشي» اتتى قاسيتەتتى كۇنىنە بايلانىستى نيرادج پەن ونىڭ جانۇياسى ءدىني سالت بويىنشا وزەندە شومىلىپ جۇرگەن. قولتىراۋىن قىزدى ۇستاپ العاندا، تۋىسقاندارى كومەك شاقىرماقشى بولدى.
بيولوگتاردىڭ ايتۋى بويىنشا، ءقازىر قولتىراۋىننىڭ جۇمىرتقا باسۋ كەزەڭى. بۇل كەزدە جانۋارلار بالالارىن قورعاۋ بارىسىندا ادامدارعا اگرەسسيا كورسەتۋى مۇمكىن. قىزمەتكەرلەردىڭ بولجامى: نيرادج جۇمىرتقالار سالىنعان جەردىڭ قاسىندا بولدى.
شولۋشى: الميرا اسلانوۆا
