فرانسۋزدىق تەڭىز بيولوگى ەمەنريك بەنحالاسسا تۇنگى زەرتتەۋلەرىنىڭ بىرىندە يندونەزيا ارالىنىڭ سۋ تۇبىنەن ەرەكشە بالىقتى ۆيدەوعا ءتۇسىرىپ الدى، دەپ حابارلايدى قامشى اقپاراتتىق اگەنتتىگى Stan.kz سايتىنا سىلتەمە جاساپ.
ەرەكشە جاراتىلىس زەرتتەۋشىلەردىڭ قىزىعۋشىلىعىن تۋدىردى. وزگەلەردەن ايىرماشىلىعى بالىقتىڭ الدى جاعىندا ورمەكشىنىڭ اياعىنا ۇقساس اياعى بار. بالىق ەكى اياعىمەن ورمەكشى سەكىلدى ارى-بەرى جۇرە الادى.
تەڭىز ماماندارى بالىقتىڭ الدىڭعى ەكى قاناتىن اياعى رەتىندە پايدالاناتىنىن ايتادى. ەكى اياعى تەڭىز استىندا ەركىن ءجۇزۋ قىزمەتىن اتقارىپ قانا قويماي، جەمتىگىن ىزدەۋگە كومەكتەسەدى.
بالىقتىڭ قۇرىلىسى تولىق زەرتتەلگەن جوق. جىرتقىش بالىق ءتۇرى شايان تۇقىمداسىنا جاتادى دەگەن بولجام بار. شايان تۇقىمداسىنا جاتاتىن بالىقتار جايداق سۋلاردا دا، تەرەڭ سۋ تۇبىندە دە كەزدەسەدى.
