اتا-اناسى بالالارىنىڭ ءجاي عانا ءىشى ءوتىپ ءجۇر دەپ ويلاعان. الايدا، جەدەل جاردەم شاقىرعاننان سوڭ ءبارى دە كەش بولدى، دەپ حابارلايدى قامشى اقپاراتتىق اگەنتتىگى Life.ru سايتىنا سىلتەمە جاساپ.
فرانسيسكو دەلگادو ەسىمدى بالاقاي ءوزىنىڭ وتباسىمەن بىرگە تەحاس-سيتي بوگەتىنىڭ جانىنا شومىلۋعا بارعان. ۇيىنەن ورالعاننان كەيىن بالانىڭ ءىشى اۋىرا باستاعان.
اتا-اناسى العاشىندا بالا ۋلانىپ قالدى دەپ ويلاعان، كەيىننەن فرانسيسكونىڭ ءبىر اپتا بويى ءىشى ءوتىپ، قۇسىپ، مازاسىزدانعان.
ۋاقىت وتكەن سايىن بالانىڭ جاعدايى ناشارلاي باستايدى. ءبىر كۇنى فرانسيسكو تۇندە ويانىپ الىپ، قاتتى اۋىرعاندىعىن ايتىپ ايقايلاعان. اكەسى دەرەۋ جەدەل جاردەم شاقىرعانىمەن ءبارى دە كەش بولدى. دارىگەرلەردىڭ ايتۋىنشا، وكپەلەرى سۋعا تولىپ قالعاندىقتان بالادا قۇرعاق تۇنشىعۋ بولعان. مۇنداي جاعدايعا كوبىندە كىشكەنتاي بۇلدىرشىندەر تاپ بولادى ەكەن.
«بالامنىڭ ولگەنىنە ءالى دە سەنە المايمىن»، - دەيدى بالانىڭ اناسى تارا دەلگادو.
شولۋشى: نازەركە لابيحان
