يت – بىرەۋگە ەڭ جاقىن دوس بولسا، بىرەۋگە سۇيىكتى اس. 5 جاستاعى ءبۇلدىرشىننىڭ ءوزىنىڭ جاقسى كورەتىن ءۇي جانۋارىن ءيتتىڭ ەتىن ساتاتىن بازاردان تاۋىپ العان كەزدەگى سۋرەتى الەۋمەتتىك جەلىدە كەڭىنەن تاراپ، ەلدى ءبىراز شۋلاتتى، دەپ حابارلايدى قامشى اقپاراتتىق اگەنتتىگى.

وقيعا ۆەتنامنىڭ سولتۇستىك ايماعىندا بولعان.

قىتايلىق «جەنمينجيباو» باسىلىمىنىڭ حابارلاۋىنشا، ءوزىنىڭ «گۇلدەستە» دەپ اتالاتىن ءيتىن وتە قاتتى جاقسى كورگەن ەكەن. ەكەۋى ءۇش جىل بويى بىرگە دوس بولعان، كەنەتتەن ءبىر كۇنى ءيتى جوعالىپ كەتكەن.

ءبۇلدىرشىن بىرنەشە كۇن بويى ءوزىنىڭ ءيتىن ىزدەگەنىمەن تابا المادى. ءسويتىپ، ءبىر كۇنى يت ەتىن ساتاتىن بازاردان ءوزىنىڭ سۇيىكتى جانۋارىنىڭ قۋىرىلعان ءولى دەنەسىن تاۋىپ العان.

ءيتتىڭ ەتىنەن جاسالعان تاعامدار ۆەتنام، كورەيا، جۇڭگو ەلدەرىندە كەڭىنەن تانىمال جانە ۇلكەن سۇرانىسقا يە ەكەندىگى بەلگىلى.

شولۋشى: نازەركە لابيحان