بۇگىن ق ر ينۆەستيسيالار جانە دامۋ ءمينيسترى جەڭىس قاسىمبەكتىڭ بۇيرىعىمەن لاستايەۆ تالعات تىلەۋبەك ۇلى ق ر يدم ازاماتتىق اۆياسيا كوميتەتىنىڭ ءتوراعاسى بولىپ تاعايىندالدى دەپ جازادى Qamshy.kz.
تالعات لاستايەۆ 1980 جىلى شىعىس قازاقستان وبلىسىندا دۇنيەگە كەلگەن. 
ءبىلىمى جوعارى. شىعىس قازاقستان وبلىسىنىڭ مەملەكەتتىك ۋنيۆەرسيتەتىن، ق ر پرەزيدەنتى جانىنداعى مەملەكەتتىك باسقارۋ اكادەمياسىن ءتامامداعان. ەكونوميكا عىلىمدارىنىڭ كانديداتى. 
ەڭبەك جولىن «قازاگروونەركاسىپ بانكى» ااق شىعىس قازاقستان وبلىستىق فيليالىنىڭ مامانى بولىپ باستادى. "قوستاناي قۇس" ااق جابدىقتاۋ جونىندەگى باس مامان، "قوستاناي قۇس" ااق جابدىقتاۋ ءبولىمىنىڭ باستىعى، "قوستاناي قۇس" ااق ۆيسە-پرەزيدەنتى، "چەرەمشانكا قۇس فابريكاسى پليۋس" ج ش س ديرەكتورى قىزمەتتەرىن اتقارعان. 
2008 جىلدىڭ اقپان ايىنان باستاپ قازاقستان رەسپۋبليكاسى كولىك جانە كوممۋنيكاسيا مينيسترلىگى كولىك-كوممۋنيكاسيا كەشەنىن دامىتۋ دەپارتامەنتىنىڭ اۆتوموبيل جولدارىن دامىتۋ باسقارماسىنىڭ باستىعى، 2008 جىلدىڭ شىلدە ايىنان قازاقستان رەسپۋبليكاسى كولىك جانە كوممۋنيكاسيا مينيسترلىگىنىڭ اۆتوموبيل جولدارى كوميتەتى ساپانى باقىلاۋ باسقارماسىنىڭ باستىعى بولدى. 2009 جىلدىڭ ماۋسىم ايىنان باستاپ قازاقستان رەسپۋبليكاسى كولىك جانە كوممۋنيكاسيا مينيسترلىگى ازاماتتىق اۆياسيا كوميتەتى ءتوراعاسىنىڭ ورىنباسارى بولىپ قىزمەت اتقاردى. 2014 جىلدىڭ قازان ايىنان بەرى قازاقستان رەسپۋبليكاسى ينۆەستيسيالار جانە دامۋ مينيسترلىگى ازاماتتىق اۆياسيا كوميتەتى ءتوراعاسىنىڭ ورىنباسارى قىزمەتىن اتقارىپ كەلدى.