جەكسەنبى كۇنى تاڭەرتەڭ اقش اسكەرى رەسمي تۇردە اۋعانستان اۋماعىنداعى اسكەري مىندەتىن اياقتادى، دەپ حابارلايدى قازاقپارات. وسىعان دەيىن ۇلىبريتانيا دا اتالعان جەردەن ءوز اسكەرىنىڭ قىزمەتىن توقتاتقانى جونىندە حابارلاعان.

Reuters اگەنتتىگىنىڭ جازۋىنشا، وداقتاستار تۇراقتاپ كەلگەن Camp Leatherneck پەن Camp Bastion اسكەري بازالارىن جەرگىلىكتى قارۋلى كۇشتەردىڭ يەلىگىنە تاپسىرعان. ەندى امەريكالىق جانە بريتاندىق ساربازدار سوڭعى تۇياعىنا دەيىن قالماي ۇشاقپەن ەلدەرىنە جونەلتىلەدى.

اتالعان ەكى مەملەكەتتىڭ اسكەرلەرى اۋعان جەرىندە اتتاي 13 جىل بولدى. وسى جىلدار بويى بارلىعى 940 سارباز باقيلىق بولسا، سونىڭ 360-ى امەريكالىقتار ەكەن.

ءوز كەزەگىندە اقش شەنەۋنىكتەرى يراكقا قاراعاندا اۋعانستاننان اسكەر شىعارۋدىڭ الدەقايدا اۋىر ەكەنىن العا تارتادى. ويتكەنى ەل اۋماعىنان وسى ۋاقىتقا دەيىن جينالىپ قالعان اسكەري جابدىقتار مەن قارۋ-جاراقتاردى الىپ كەتۋ وڭاي شارۋا ەمەس. الايدا كەلىسىم قۇجاتتارىنا سايكەس، قارۋ-جاراق پەن ءوق-دارىنىڭ جارتىسى اۋعان ساربازدارىنا قالدىرىلماق. سونداي-اق، قۇنى 230 ملن. اقش دوللارى بولاتىن ستراتەگيالىق نىساندار مەن 34 ملن. اقش دوللارىنىڭ شتاب-پاتەرى اۋعان كۇشتەرىنىڭ مەنشىگىندە قالاتىن بولىپ شەشىلگەن. 

قامشى-اقپارات