كوپتەگەن وقۋ ءبىتىرۋشى تۇلەكتەر جۇمىس تابا الماي جاتىرمىز دەپ جۇمىسسىزداردىڭ سانىن ارتىرىپ قانا جۇرەدى. ءبىراق قاشاندا ىزدەنگەن ادامعا ەكى قولعا ءبىر كۇرەكتىڭ تابىلاتىنى انىق. الەم بويىنشا كوپتەگەن قىزىقتى جانە جيىركەنىشتى جۇمىستار بار ەكەن. سولاردىڭ بىرنەشە نۇسقاسىن نازارلارىڭىزعا ۇسىنامىز.

ادامدار عىلىم ءۇشىن نە ىستەمەيدى دەسەڭىزشى. الەمدە ەڭ جيىركەنىشتى جۇمىستاردىڭ ءبىرى سانالعان ماماندىق جانۋارلاردىڭ ماستۋرباتورى ەكەن. زەرتتەۋشىلەرگە تاجىريبە جاساۋ بارىسىندا جانۋارلاردىڭ سپەرماسى كەرەك بولاتىن بولسا اتالعان جۇمىسشى جانۋارلارعا ءلاززات سىيلاۋ مىندەتىن اتقارادى. جانۋارلارمەن جۇمىس جاساۋ ماستۋرباتوردىڭ ومىرىنە ءقاۋىپ تۋدىرادى. ولار ءجيى-جيى توتەنشە جاعدايعا تاپ بولىپ وتىردى. 

كوپتەگەن ادامدار جۇمىسقا تاڭەرتەڭ ۇيقىسىن قيماي ارەڭ تۇرادى. بۇل بارلىق جۇمىسشىلاردىڭ باسىنان وتەتىن جايت دەسە دە بولاتىن شىعار. ەگەر ءسىز ۇيقىنى جاقسى كورەتىن بولساڭىز فيل قوناق ۇيىنە جۇمىسقا تۇرىڭىز. اتالعان قوناق ءۇيدىڭ باسشىلىعى 2013 جىلى كاسىبي ۇيقىشى اتتى ەرەكشە ماماندىق تۋرالى حابارلاعان ەدى.  بۇل ماماندىقتى سوني دەپ تە اتايدى ەكەن. جۇمىسشى قوناق ۇيدەگى 35 بولمەنى ارالاپ، ۇيقتاپ جايلى نەمەسە جايلى ەمەستىگىن ايتادى. وسىنداي جۇمىس ءۇشىن جىلىنا 35 مىڭ دوللور جالاقى الادى ەكەن.

امەريكاندىق رۋبەن نايروس ماتراس كومپانياسىندا ماتراستا سەكىرۋشى بولىپ جۇمىس جاسايدى. ونىڭ مىندەتى ماتراستاردىڭ قاتتىلىعىن تەكسەرۋ. ول وسى ەڭبەگى ءۇشىن 43 مىڭ دوللور كولەمىندە جالاقى الادى. ونىڭ ايتۋى بويىنشا، ماتراستا 5 رەت العا جانە ارتقا سەكىرۋ كەرەك ەكەن.

دايىنداعان: سابينا رامازان