الەۋمەتتىك جەلىدە الماتى قالاسىندا بولعان ءىرى جول اپاتىنىڭ سۋرەتتەرى پايدا بولدى، دەپ حابارلايدى قامشى اقپاراتتىق اگەنتتىگى.

كۋاگەرلەرىڭ ايتۋىنشا، ءىرى جول اپاتى التىنسارين مەن ۋلىقبەك كوشەلەرىنىڭ قيىلىسىندا، سارىارقا بازارىنا قاراما-قارسى بەتتە ورىن العان. BMW اۆتوكولىگى قوعامدىق كولىكتەردىڭ بىرىنە كەلىپ سوقتىعىسقانى سۋرەتتەردى كورىنەدى. بەلگىلى بولعانداي، سول ۋاقىتتا اۆتوبۋس كولىگىنىڭ تەجەگىشى ىستەن شىعىپ قالىپتى.

دەرەكتەرگە سايكەس، قوعامدىق كولىكتەردىڭ ءبىرى ۇلكەن جىلدامدىقپەن كەلە جاتىپ جەڭىل كولىككە كەلىپ سوقتىعىسقان. سالدارىنان، جەڭىل اۆتوكولىك تۇراقتا تۇرعان كولىكتەرگە بارىپ سوقتىعىسقان. «گازەل»، Mitsubishi Pajero، Toyota Camry 10، Ford، Toyota Yaris كولىكتەرى دە ەداۋىر سوققى العان.

جول كولىك اپاتىنان جەتى ادام زارداپ شەكتى: جۇرگىزۋشىلەر، BMW  كولىگىندەگى ەكى جولاۋشى جانە اۆتوبۋس جولاۋشىلارى.

جول كولىك اپاتىنا قاتىستى ناقتى دەرەكتەر انىقتالۋدا.