تۇركيالىق ارحەولوگتار 7،5 مىڭ جىل تاريحى بار بۇرعىنى تاپتى. اناتوليي اگەنتتىگىنىڭ حابارلاۋىنشا عالىمدار بۇل بۇرعىنى اقتوپراقلىق قورعانىن قازۋ بارىسىندا تاپقان.  اقتوپراقلىق بۋرسا ايماعىنىڭ سولتۇستىك-باتىسىندا ورنالاسقان دەپ حابارلايدى قامشى اقپاراتتىق اگەنتتىگى تاسس مالىمەتىنە سۇيەنىپ.

ارحەولوگتار بۇل اۋداندا 2004 جىلدان باستاپ ىزدەۋ جۇمىستارىن جۇرگىزۋدە. ال تابىلعان بارلىق قۇندى جادىگەرلەر اشىق اسپان استىنداعى مۋزەي-ساياباققا وتكىزىلەدى. اشىق اسپان استىنداعى مۋزەي-ساياباققا كەلۋشىلەر حالىقتىڭ ەرتەدەگى تۇرمىسىمەن تانىسۋعا ۇلكەن مۇمكىندىك جاسالعان.

ارحەولوگتار تاپقان «بۇرعىدا» كرەمنيي تاسى الاسا تاياقشاعا بايلانعان. كرەمنيي تاسىنىڭ بايلانۋ سەبەبى بار. سول كەزدەگى كۇندەلىكتى ەڭبەككە پايدالانىلاتىن تاستاردىڭ ىشىندە ەڭ مىقتىسى كرەمنيي بولعان.

«وسى تەكتەس كرەمنيي تاستارى قازىرگى كۇندەگى بۇرعى مەن شەگەنى بۇراعىشتاردىڭ ەرتەدەگى نۇسقاسى»، -دەپ مالىمدەدى  ىستامبۇل ۋنيۆەرسيتەتىنىڭ ارحەولوگيا فاكۋلتەتىنىڭ قىزمەتكەرى.

ەسكى قۇرىلعىنى تەكسەرە كەلە عالىمدار بۇل قۇرىلعى ءتۇرلى اشەكەيلەر، مونشاقتار  جاساۋعا پايدالانىلعان دەگەن شەشىمگە كەلدى.

اۋدارعان: ايگەرىم تاۋباي