ءار كۇن سايىن الەمدە ادام ءولتىرۋ، اياۋسىز ۇرىپ-سوعۋ سەكىلدى ءتۇرلى سۇمدىق وقيعالار ورىن الۋدا. ال، ەڭ قاتىگەز قىلمىسكەرلەر – ءوزىنىڭ جاقىن ادامدارىنا قاستاندىق جاساعان ادامدار.

2002 جىلى ءبىر امەريكالىق وتباسىدا اناسى بالاسىن پەشكە سالىپ كۇيدىرگەن. روبەرت سميت ءوز قىزىنىڭ قىزىپ تۇرعان پەشتىڭ ىشىندە جاتقانىن كورىپ، دەرەۋ كومەككە جۇگىرگەن. ول كەزدە بالا 14 ايلىق بولاتىن. سالدارىنان ەشلي ەسىمدى ءبۇلدىرشىن 3ء-شى دارەجەلى كۇيىك شالدىرعان، دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ.

قىزدىڭ اناسى مەليسسا رايت پەشتەگى تەمىر تابالاردىڭ بارلىعىن الىپ تاستاپ، ەڭ جوعارى تەمپەراتۋرادا قىزدىرعان. كەيىننەن سونىڭ ىشىنە ءوزىنىڭ قىزى ەشليدى سالىپ قويعان. ءوزىنىڭ بۇل قىلىعىن پوليسيا بولىمشەسىندە اياق استىنان بولعان جاعداي دەپ ءتۇسىندىردى. كەيىننەن، بەلگىسىز ءبىر تىلسىم داۋىستار وعان قىزىن پەشكە سال دەپ ءامىر ەتكەندىگىن، سول دىبىستاردى ەستىگەندىگىن ايتقان.

مەليسسا رايت 25 جىلعا باس بوستاندىعىنان ايىرىلدى، ال كىشكەنتاي ەشلي 10 جىلدىڭ ىشىندە 28 وتانى باسىنان وتكەرگەن.

بۇگىندە ەشليدىڭ جاسى 15-تە، ول ەندى عانا مەكتەپ تابالدىرىعىن اتتاماقشى. ول ءوزىنىڭ اناسىن كەشىرگەن: «مەن مەليسسانى كەشىردىم. ونى جەككورمەيمىن دە، جاقسى دا كورمەيمىن»، - دەيدى ول.

مەليسسا رايت مەرزىمىنەن ەرتە بوساپ شىعۋعا ارىز بەرگەن، الايدا سوت وعان قارسىلىق ءبىلدىردى. ونىڭ كورتني ەسىمدى ۇلكەن قىزى، ەشليدان 8 جاسقا ۇلكەن، اناسىنا راقىمشىلىق ەتۋدى سۇراعان. اناسى بارلىق پسيحيكالىق اۋىتقۋشىلىقتارىنان ارىلىپ، تولىق قالىپقا تۇسكەندىگىن دە ايتقان بولاتىن. الايدا، ەشلي بۇعان تۇبەگەيلى قارسى بولعان. ونىڭ ايتۋىنشا، مەليسسا ءوز جازاسىن تولىقتاي وتەپ شىعۋى قاجەت، سونىمەن قاتار ەشلي بولاشاقتا دا ءوز اناسىنا سەنىم ارتۋدان قورقادى ەكەن.

شولۋشى: نازەركە لابيحان