1881 جىلى سارا ۆينچەستەر ەسىمدى ايەل سول جالداردا  ەڭ اۋقاتتى، باي  ايەلدەردىڭ ءبىرى بولعان. ول وليۆەر ۆينچەستەر ەسىمدى ويلاپتاپقىش ادامنىڭ ۇلىنا تۇرمىسقا شىققان. ونىڭ ۇلى ۋيليام قارۋ-جاراق شىعاراتىن ماگنات بولعان. سارا بارلىق بايلىقتى كۇيەۋىنىڭ ميراسقورى رەتىندە يەلەنەدى. سول كەزدە ونىڭ جاعدايى 20،5 ميلليون دوللارعا باعالانعان.

1884 جىلى سارا مەدۋيمنىڭ (پاراللەل الەممەن بايلىنىس ورناتا الاتىن ادام) قابىلداۋىندا بولادى. وندا كۇيەۋىنىڭ ارۋاعىمەن سويلەسىپتى-مىس. كۇيەۋى ۋيليام وعان وزىنە تۇسكەن قارعىس تۋرالى ايتقان ەكەن. كۇيەۋىنىڭ ءولىمى، تۋعان قىزدارىنىڭ ءولىمى بارلىعى- ۋيليامنىڭ اكەسىنە ول شىعارعان قارۋدىڭ كەسىرىنەن ولگەن ادامداردىڭ قارعىسى كەلگەن. كۇيەۋىنىڭ  وسى ءارۋاقتاردىڭ قارعىسىنا ۇشىراعاندىعىن تۇسىندىرگەن.

ۋيليام ساراعا جاڭا ءۇي ساتىپ الىپ ءۇيدى ءارۋاقتار ايەلىن تاۋىپ كەك قايتارا المايتىنداي ەتىپ سالۋىن سۇرايدى.

وسىدان كەيىن سارا سان-حوسە دەگەن جەردە عيمارات ساتىپ الىپ، جۇمىسشىلاردى جالداپ ونى وزگەرتە باستاعان. ەشقانداي ارحيتەكتورلاردىڭ قىزمەتتەرىنە جۇگىنبەگەن.

كۇن سايىن ول پاراللەل الەممەن بايلانىسقا شىعىپ، كۇيەۋىنەن نۇسقاۋلار الىپ كەيىن ونى جۇمىسشىلارىنا ايتىپ بەرىپ وتىرعان دەسەدى.

سارانىڭ جۇمىسشىلارىنا ايتقان نۇسقاۋلارى ەرتەسىندە-اق تەز ءارى ءجيى وزگەرىسكە ۇشىراپ وتىرعان.

الايدا ونىڭ جۇمىسشىلارى قالىپتىدان 1،5 ەسە كوبىرەك قاراجات الىپ وتىرعان. سوندىقتان دا قىزمەتكەرلەر ايەل نە ايتسا دا ورىندايتىن بولعان.

ناتيجەسىندە 7 قاباتتى جەكەجاي ءۇي سالىنعان. كەيىن جەر سىلكىنىسى سالدارىنان بىرنەشە ۇستىڭگى قاباتتار قۇرتىلعان. جالپى ۇيدە 300 بولمە، 13 جۋىناتىن بولمە، 2 بال زالدارى، 6 اس ءۇي، 47 الاۋوشاق، 2 جەرتولە، 3 ليفت بولعان. سونىمەن بىرگە بارلىعى 2000 ەسىك بولعان.

بۇگىنگى كۇنى ۇلكەن ۇيدەن 4 قابات پەن 160 بولمە عانا قالعان. ەڭ قىزىعى ۇيدە ەشقايدا اپارمايتىن ەسىكتەر وتە كوپ. وسىلاي ايەل ءوزىنىڭ ىزىنەن تۇسكەن جىندار مەن ءارۋاقتاردى اداستىرماقشى بولعان ەكەن.

ءۇيدىڭ توبەسىنە اپاراتىن باسپالداقتار دا وسى سەبەپپەن جاسالعان. 

تەرەزەلەر ءاردايىم كوشەگە قاراماعان. كوپ جاعدايدا تەرەزەلەردەن كەلەسى بولمەلەر كورىنگەن.

سوعان قاراعاندا، كەلەسى بولمەدەگى ەلەستىڭ كەلە جاتقانىن كورۋ ءۇشىن جاسالعان بولۋى كەرەك.

مىناۋ سارانىڭ وزگە الەمدەگى كەڭەسشىلەرىمەن سويلەسەتىن «كوك بولمەسى».

سارا كوپ ۇيىقتاماعان دەسەدى. ءار ءتۇنى ساعات 2:00-دە ونى قوڭىراۋ دىبىسى وياتاتىن كورىنەدى. ايەلگە 13 سانى قاتتى ۇناعان ەكەن. بۇكىل ءۇيدىڭ ىشىندە 13 سانىن بارلىق زاتتاردىڭ ۇستىنەن تابۋعا بولادى.

1922 جىلى سارا قايتىس بولعان سوڭ ءوزىنىڭ ارتىندا باعالى زاتتار قالدىرعان. قايتىس بولعان ايەلدىڭ سەيفىنەن كۇيەۋى مەن قىزىنىڭ شاش تالشىقتارى تابىلعان.

بۇگىنگى كۇنى ۆينچەستەرلەر ءۇيى- اسا تانىمال تۋريستىك ۇيىم.  

دايىنداعان: نازەركە مۇسا