اتتەستاتتاۋ قورىتىندىسى بويىنشا جەرگىلىكتى جانە ورتالىق اتقارۋشى ورگانداردان 14 مامان جۇمىستان شىعارىلدى. 71 قىزمەتشى ءوز لاۋازىمىنان تومەندەتىلدى. سونداي-اق، 381 قىزمەتشىنىڭ بىلىكتىلىگىنە ساي قىزمەتىن جوعارىلاتۋ ۇسىنىلدى. ال قالعاندارى اتقارىپ وتىرعان لاۋازىمىنا سايكەس دەپ تانىلدى، دەپ حابارلايدى قامشى اقپاراتتىق اگەنتتىگى قازاقپاراتتىڭ مالىمەتىنە سۇيەنىپ.

بۇگىنگى كۇندە تومەندەتۋگە ۇسىنىلعانداردىڭ ىشىندە وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ بۇرىنعى باسشىسى قانىبەك ايتجانوۆ بار. ەندى ول بۇدان بىلاي باسقارما باسشىسى ەمەس، جامبىل اۋدانى اكىمىنىڭ ورىنباسارى لاۋازىمىنا تومەندەتىلدى. ال وبلىس بويىنشا 27 ادام اتتەستاتتاۋدان ءتۇرلى سەبەپتەرگە بايلانىستى وتكەن جوق.

باسىم بولىگى سول ساتتەگى دەنساۋلىق جاعدايىن العا تارتقان. قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى باسپا ءسوز قىزمەتىنىڭ وكىلى سىمبات يسراپۋلوۆانىڭ ايتۋىنشا، 27 ادام جىل سوڭىنا دەيىن سىناقتى تاپسىرۋى ءتيىس.

شولۋشى: ايگەرىم تاۋباي