استانا، الماتى جانە شىمكەنت قالالارىنىڭ تۇرعىندارى جاڭا جۇرگىزۋشى كۋالىگىن الۋ ءۇشىن بۇگىننەن باستاپ كەزەك كۇتپەيتىن بولادى، دەپ جازادى قامشى اقپاراتتىق اگەنتتىگى. بۇل جونىندە «ازاماتتارعا ارنالعان ۇكىمەت» مەمەلكەتتىك كورپاراسياسى» كە اق ءوندىرىس قىزمەتىن ۇيلەستىرۋ جونىندەگى باسقارۋشى ديرەكتور شوقان ءابدىلمانوۆ مالىمدەدى.
ش. ءابدىلمانوۆتىڭ ايتۋىنشا، پيلوتتىق جوبا قىزمەت الۋشىلاردىڭ ۋاقىتىن ۇنەمدەۋگە، مامانداندىرىلعان حقكو-لارداعى كەزەكتى ازايتۋعا مۇمكىندىك بەرەدى. مۇنداي شەشىمنىڭ قابىلدانۋىنا اتالمىش قالالاردا ازاماتتاردىڭ ەڭ كوبى جاڭا جۇرگىزۋشى كۋالىگىن الۋ ءۇشىن ۇزىن سونار كەزەكتە تۇراتىن كورىنەدى. ەندى ول ازامتتار قۇجاتتى مامانداندىرىلعان حكقو-دا بەرىلگەن قولحاتتى كورسەتىپ، وزدەرىنە ىڭعايلى كەز-كەلگەن حكقو-دا الاتىن بولادى.
ش.ءابدىلمانوۆ قازىرگى ۋاقىتتا قازاقستاندا 12 مامانداندىرىلعان حقكو جۇمىس ىستەيتىنىن ايتىپ ءوتتى. ولار استانا، الماتى، قاراعاندى، تاراز، اقتاۋ، پاۆلوداردا، پەتروپاۆل، قىزىلوردا، تالدىقورعان، قوستاناي، اقتوبە جانە شىمكەنت قالالارىندا، سونداي-اق ەكى مامانداندىرىلعان حقكو سەكتورى الماتىدا جانە وڭتۇستىك قازاقستان وبلىسىنىڭ سايرام اۋدانىندا.
جىلدىڭ باسىنان باستاپ 137 مىڭنان استام جۇرگىزۋشى كۋالىگى بەرىلدى.
