وسىدان ءبىراز ۋاقىت بۇرىن دجەكي چان ديماشتان ۇلكەن اكتەر شىعاتىنىن ايتقان بولاتىن. جۇڭگو تەلەارنالارىنىڭ بىرىنە بەرگەن سۇحباتتا ديماش تانىمال اكتەردىڭ بۇل ۇسىنىسىنا بايلانىستى ءوز پىكىرىن ءبىلدىردى.
«دجەكي چان ءبىر سۇحباتىندا «ديماشتان ءبىر ۇلكەن اكتەر شىعادى دەپ ۇمىتتەنەمىن» دەپ ايتقان. ءبىراق ول كىسى قانشا جەردەن تاماشا ءانشى بولسا دا، مىقتى جان-جاقتى پروديۋسەر، رەجيسسەر، كوپتەگەن باعىتتا جۇرگەن كىسى عوي. ءبىراق ەڭ العاشقى سالاسى اكتەر بولعاندىقتان، باسقا سالادا قوسىمشا جۇمىس ىستەپ ءجۇر»، – دەدى ديماش.
ديماش ءوزىنىڭ اكتەرلىك سالادا ەشقانداي تاجىريبەسىنىڭ جوقتىعىن ايتىپ، دجەكي چاننىڭ ۇسىنىسىنان باس تارتتى.
«ال ەندى مەنىڭ اكتەر ەسەبىندە تىپتەن تاجىريبەم جوق. سول سەبەپتەن ءانىمدى ايتىپ جۇرە بەرەتىن شىعارمىن»، – دەدى ديماش.
شولۋشى: اسەل وتەشوۆا
