بۇگىن الماتى قالاسىنىڭ قورعانىس ىستەرى جونىندەگى دەپارتامەنتىنىڭ ۇيىمداستىرۋىمەن "قارۋلى كۇشتەردە باق-پەن جۇمىس جولدارىن ۇيلەستىرۋ" اتتى دوڭگەلەك ۇستەل ءوتتى. 

ءىس-شارانىڭ ماقساتى - قازاقستان رەسپۋبليكاسى قارۋلى كۇشتەرىنىڭ بەدەلىن ارتتىرۋ، حالىق اراسىندا ارميادا وتكىزىلەتىن ءىس-شارالاردى كەڭىنەن تاراتۋ جانە اسكەردىڭ وڭ بولمىسىن قالىپتاستىرۋعا باعىتتالعان اقپاراتتىق-ناسيحاتتىق ءىس-شارالاردى جۇزەگە اسىرۋ. سونداي-اق قارۋلى كۇشتەرىنىڭ ءيميدجىن كوتەرۋ، اسكەري قىزمەتتىڭ ابىرويى مەن بەدەلىن ارتتىرۋعا ب ا ق قىزمەتىنىڭ ءرولى زور بولعاندىقتان ب ا ق وكىلدەرىمەن تىعىز بايلانىس جاساۋ بولىپ تابىلادى. الماتى قالاسىنىڭ جەرگىلىكتى اسكەري باسقارۋ ورگاندارىنىڭ باسپا ءسوز قىزمەتىنىڭ حاتشىسى قىزمەتى 2015 جىلى اشىلعانىن اتاپ وتكەن ءجون.

دوڭگەلەك ۇستەلدە "تۇركىتىلدەس جۋرناليستەر قورى" قوعامدىق قورىنىڭ پرەزيدەنتى. قازاقستانداعى ايەل جۋرناليستەر كلۋبىنىڭ جەتەكشىسى. "ىنتا مەن ىنتىماق" قوعامدىق قورىنىڭ ديرەكتورى ءنازيا جويامەرگەن قىزى "كاسىبي يميدج جانە ب ا ق" تاقىرىبىندا شەبەرلىك ساباعىن وتكىزدى. دوڭگەلەك ۇستەلدە ب ا ق جۇمىستارىنىڭ نەگىزگى تەتىكتەرى تالقىلانىپ، قاتىسۋشىلار ءوز ويلارىن ايتتى. ءىس-شارا سوڭىندا "تۇركىتىلدەس جۋرناليستەر قورى" قوعامدىق قورىنىڭ پرەزيدەنتى ءنازيا جويامەرگەنقىزىنا قارۋلى كۇشتەردىڭ ءيميدجىن كوتەرۋگە اتسالىسقانى ءۇشىن الماتى قالاسىنىڭ قورعانىس ىستەرى جونىندەگى دەپارتامەنتىنىڭ باسپا ءسوز قىزمەتىنىڭ باستىعى مايور نوۆيكوۆا كريستينا ماداقتاما تاپسىردى.

قارلىعاش مۇسابەك قىزى، الماتى قالاسىنىڭ قورعانىس ىستەرى جونىندەگى دەپارتامەنتى