شىعىس قازاقستان وبلىسى كۇرشىم اۋدانىنىڭ پوليسيا بولىمشەسىنە زارداپ شەككەن 10 ادامنان شاعىم تۇسكەن.  27 جاستاعى ءمۇعالىم ءار ءتۇرلى سىلتاۋلارىمەن ارىپتەستەرىنىڭ جەكە كۋالىكتەرىن سۇراپ، ولاردى سۋرەتكە ءتۇسىرىپ سودان كەيىن كرەديت راسىمدەپ وتىرعان. بۇل تۋرالى قامشى اقپاراتتىق اگەنتتىگى informburo.kz-كە سىلتەمە جاساپ حابارلايدى.

«17 مامىر كۇنى ول مەنىڭ قاسىما كەلىپ مەن جاڭا مامان بولعاندىقتان مەنەن جەكە باس مالىمەتتەرىمدى سۇرادى. ولاردى ەلەكتروندى پورتفوليوعا سالامىن دەپ ايتقان. ارنايى مۇعالىمدەر تۋرالى اقپارات جازىلاتىن سايت بار، سوندا جاريالانادى دەدى»-دەپ ەسىنە تۇسىرەدى الدانعان مۇعالىمدەردىڭ ءبىرى.

ايەل كرەديتتى ءار ءتۇرلى باعادا راسىمدەگەن. 27 مىڭ تەڭگەدەن باستاپ 100 مىڭ تەڭگەگە دەيىن.  ءبىر ادامنىڭ اتىنان بىرنەشە كرەديت العان جاعدايلار دا بولعان. زارداپ شەككەن 10 ادامنىڭ 2ء-ۋى كرەديتتەرى تولەنگەندىكتەن ايەلگە شاعىمدانبايتىندىقتارىن جەتكىزگەن.

كرەديت بەرەتىن ۇيىمنىڭ ءوزى ونلاين تۇردە قىزمەت كورسەتەدى. وندا تەز ءارى جىلدام 300 مىڭ تەڭگەگە دەيىن اقشا بەرەدى. ونلاين-كرەديت الۋ ءۇشىن جەكە كۋالىك پەن سۋرەت جۇكتەۋ عانا قاجەت ەتىلەدى. ەڭ باستى تالاپ كرەديت الۋشىنىڭ قازاقستاندىق بولۋى كەرەك.

ايلاكەر ءمۇعالىم وسىنداي تاسىلمەن ارىپتەستەرىنىڭ جەكە كۋالىكتەرى مەن سۋرەتتەرىن الا وتىرىپ كرەديت راسىمدەگەنى بەلگىلى بولعان. بۇل وقيعاعا بايلانىستى قىلمىستىق ءىس قوزعالعان سوڭ  ءمۇعالىم جۇمىستان ءوز ەركىمەن كەتىپ، كرەديتتەردىڭ وتەماقىسىن تولەپ جاتىر.

شولۋشى: نازەركە مۇسا