قىرعىزستاندا مايلۋۋ-سۋۋ وزەنىندە تابىلعان ادام اياعىنىڭ كىمگە تيەسىلى ەكەنى انىقتالدى. بۇل تۋرالى قامشى اقپاراتتىق اگەنتتىگى Turmush باسىلىمىنا سىلتەمە جاساپ حابارلايدى.
بەلگىلى بولعانداي، مايلۋۋ-سۋۋ قالاسىنىڭ 62 جاستاعى تۇرعىنىنىڭ اياعىن امپۋتاسيالاعان. وزەندە ادام اياعى تابىلدى دەگەن اقپارات تاراعان سوڭ جەدەل توپ وقيعا ورنىنا جەتكەن. تابىلعان ادام اياعىن ساراپتاماعا جىبەرگەن. سودان كەيىن اياقتىڭ امپۋتاسيالانعانى بەلگىلى بولعان. 2016 جىلى اۋرۋعا بايلانىستى كەسىلگەن اياقتىڭ وزەندە تابىلۋ سەبەپتەرى انىقتالىپ جاتىر. اياق يەسىنىڭ ايتۋى بويىنشا ول تۋىسقاندارىمەن بىرگە امپۋتاسيالعان دەنە بولىگىن جەرگە كومىپ تاستاعان. الايدا ونىڭ وزەنگە شىعىپ كەتۋ سەبەبى بەلگىسىز.
جەرگىلىكتى تۇرعىندار ادامنىڭ اياعىن 9 ماۋسىم كۇنى تاۋىپ العان.
