قىلمىس 13 ماۋسىمدا ورىن الدى، دەپ جازادى قامشى اقپاراتتىق اگەنتتىگى.
كوكشەتاۋدا اقمولا وبلىستىق سوتىنىڭ قىلمىستىق ىستەر جونىندەگى القا ءتوراعاسى جاننا بەردىعۇلوۆا ءوز ۇيىندە ءولتىرىلدى. بۇل جونىندە اقمولا وبلىستىق ءىىد حابارلايلى.
مەحانيكالىق تۇنشىقتىرۋ سالدارىنان قايتىس بولعان 46 جاستاعى سۋديانىڭ دەنەسى سەيسەنبىنىڭ تاڭىندا تابىلعان.
جۇمىسقا كەلمەگەن ايەلدى ارىپتەستەرى ءوز ۇيىنەن ءولى كۇيىندە تاپتى.
كۇدىكتى رەتىندە 33 جاستاعى كوكشەتاۋ تۇرعىنى ۇستالدى، ونىڭ 2006 جىلى ادام ءولىمى بويىنشا سوتتالعانى انىقتالدى. ەر ادام ءوز كىناسىن مويىنداعان.
«ق ر قك 99 بابىنا سايكەس ءىس قوزعالدى»، دەدى اقمولا وبلىستىق ءىىد باسپا ءسوز حاتشىسى گۇلنار پينچۋك.
قازىرگى تاڭدا تەرگەۋ جۇمىستارى جۇرگىزىلۋدە.
شولۋشى: گۇلىم جاقان
