قىتايدا حيرۋرگ دارىگەرلەردىڭ توق ىشەكتەن الىپ تاستاعان ىسىك جۇرتتىڭ تاڭدانىسىن تۋدىردى. ول 76 سانتيمەتردى قۇراعان. وتا جاساۋ بارىسىندا ءبىرشاما دارىگەرلەر ارالاسىپ، وتا كۇردەلى تۇردە وتەكەن، دەپ حابارلايدى قامشى اقپاراتتىق اگەنتتىگى Vladtime.ru سايتىنا سىلتەمە جاساپ.

22 جاستاعى ەر جىگىت وتادان امان قالىپ، ەندى ەمىن-ركىن قيمىلداپ، اس-سۋ ىشە الادى.

شانحاي قالاسىنداعى اۋرۋحانالاردىڭ بىرىندە گيرشپرۋنگا دياگنوزى قويىلعان ەمدەلۋشىگە كۇردەلى وتا جاسالدى. تۋا بىتكەن اۋرۋ جىل وتكەن سايىن اسقىنا بەرگەن، كەيىننەن توق ىشەكتە ىسىك پايدا بولعان.

22 جاستاعى ەر ادام ىشىپ-جەي الماي، ءتىپتى، وزدىگىنەن قيىملداۋى دا اۋىرلاپ كەتكەن. قالىپتى ءومىر ءسۇرۋى ءۇشىن وعان ۇنەمى ءتۇرلى ۆيتاميندەر سالىپ تۇرعان.

كەسىپ الىنىپ تاستالعان ىسىكتىڭ كولەمى ەلدىڭ جاعاسىن ۇستاتتى. حيرۋرگ دارىگەرلەر ونى الىپ تاستاعاننان كەيىن ونىڭ كولەمى 76 سانتيمەتردى قۇرايتىندىعىن انىقتاعان.

قىتايلىق دارىگەرلەردىڭ مۇنداي ۇلكەن كولەمدەگى ىسىكتى الىپ تاستاعان العاشقى وتاسى بولىپ تابىلادى.

شولۋشى: نازەركە لابيحان