دەپۋتاتتار ەۋرازيالىق ەكونوميكالىق ينتەگراسيا جاعدايىندا ەكونوميكالىق ىنتىماقتاستىقتى دامىتۋ تۋرالى قازاقستان مەن قىرعىزستان ۇكىمەتتەرى اراسىنداعى كەلىسىمدى راتيفيكاسيالاۋدى ماقۇلدادى، دەپ حابارلايدى قامشى اقپاراتتىق اگەنتتىگى abctv.kz پورتالىنا سىلتەمە جاساپ.

بۇل تۋرالى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتى حابارلادى. قازاقستان ۇلتتىق ەكونوميكا ءمينيسترى تيمۋر سۇلەيمەنوۆ زاڭ جوباسىن پالاتانىڭ جالپى وتىرىسىندا تانىستىرا كەلىپ، اتالعان كەلىسىمگە 2016 جىلعى 26 جەلتوقساندا سانكت-پەتەربۋرگ قالاسىنداعى ەۋرازەو مۇشە-مەملەكەتتەرى باسشىلارىنىڭ جۇمىس بابىنداعى كەزدەسۋى اياسىندا قول قويىلعانىن اتاپ ءوتتى.

«كەلىسىمگە سايكەس قازاقستاندىق تاراپ قىرعىز رەسپۋبليكاسىنىڭ ەۋرازيالىق ەكونوميكالىق وداققا ينتەگراسياسى ۇدەرىسىنە جاردەمدەسۋ ماقساتىندا قىرعىز تاراپىنا 100 ميلليون اقش دوللارىنا بارابار كومەك كورسەتەدى»، – دەدى سۇلەيمەنوۆ.

ول كومەك قىرعىز تاراپىنا قىرعىز رەسپۋبليكاسىنىڭ ەۋرازيالىق ەكونوميكالىق وداققا قوسىلۋى جونىندەگى «جول كارتالارىندا» كوزدەلگەن ءىس-شارالاردى ىسكە اسىرۋعا، اتاپ ايتقاندا ەۋرازەو كەدەندىك شەكاراسىنىڭ قىرعىز ۋچاسكەسىندە كەدەندىك ينفراقۇرىلىمدى جاقسارتۋعا، قىرعىز رەسپۋبليكاسىنىڭ سانيتاريالىق، ۆەتەريناريالىق، فيتوسانيتاريالىق جۇيەلەرىن ەۋرازەو تالاپتارىمەن سايكەستەندىرۋگە بەرىلەتىنىن حابارلادى.