الماتى اۋداندىق سوتىنىڭ سۋدياسى قايرات يمانقۇلوۆ 34 جاستاعى قاپشاعاي تۇرعىنى جاننا ءومىروۆانى ءدىني ارازدىقتى قوزدىرىپ، تەرروريزمدى ناسيحاتتادى دەگەن ايىپ بويىنشا بەس جىل باس بوستاندىعىنان ايىردى، دەپ حابارلايدى قامشى اقپاراتتىق اگەنتتىگى ورتالىق ازيا جاڭالىقتارىنا سىلتەمە جاساپ.

ۇكىم مەملەكەتتىك ايىپتاۋشىنىڭ قاتىسۋىمەن، ءبىراق مەملەكەت تاعايىنداعان ادۆوكاتسىز وقىلدى. سوتتالۋشى جاننا ءومىروۆا شەشىممەن كەلىسپەيتىنىن، اپەللياسيالىق شاعىم بەرەتىنىن ايتتى.

جاننا ءومىروۆا ۇكىم الدىندا سوڭعى ءسوزىن ايتىپ، ءوزىن سوتتاماۋىن سۇراعان ەدى. ول كىشكەنتاي ەكى بالا تاربيەلەپ وتىرعانىن جانە زەينەتتەگى مۇگەدەك اناسىنا قاراپ وتىرعانىن ەسكەرۋىن سۇراعان. سوتتالۋشى سونىمەن بىرگە وزىنە قاتىستى ءىستى ارنايى قىزمەت ادەيى ۇيىمداستىرعانىن، ءوزى تەرروريزمدى ناسيحاتتاماعانىن ايتادى.

جاننا ءومىروۆا بيىل قاڭتار ايىندا ۇستالعان.

ونىڭ كامەلەتتىك جاسقا تولماعان ەكى بالاسى ءقازىر 65 جاستاعى اناسىنىڭ قولىندا.

شولۋشى: گۇلىم جاقان