ەكسپو باسشىسى احمەتجان ەسىموۆتىڭ نازارىنا!
قۋىرداقتىڭ كوكەسىن تۇيە سويعاندا كورەسىڭ دەمەكشى، ماسقارانىڭ كوكەسى ەكسپو باستالعاندا شىعىپ جاتىر. بۇگىن كولىگىمە ءبىر قىز بەن ەكى ايەل ادام ءمىندى. ەكسپو-عا اپارىپ سالۋىمدى ءوتىندى. ەكى ايەلدىڭ ءبىرى سوناۋ شىمكەنتتەن ەكسپو-عا كەلگەن ەكەن، جۇمىسىنان بيلەت الىپ. سودان اپارىپ تاستاپ، ۇيگە كەلگەندە كولىگىمنىڭ ارتقى جاعىنان تەلەفون تاۋىپ الدىم. سويتسەم جاڭاعى ەكسپو-عا اپارىپ سالعان ادامداردىكى بولىپ شىقتىم. سودان ول ايەلگە ۋايىمداماۋىن سۇراپ، 3 ساعاتتاڭ سوڭ اكەلىپ بەرەتىنىمدى ايتتىم. كەلىسكەن ۋاقىتتا اپارعان جەرىمە باردىم. سودان الگى سوناۋ شىمكەنتەن كەلگەن 30 جىلدىق تاجىربيەسى بار، جاسى 50-گە تاقالىپ قالعان ءمۇعالىمنىڭ العان بيلەتتەرى جارامسىز بولىپ شىققان. سەبەبى بيلەتتەرىنىڭ ءبارى كوشىرمە بولعان. سودان ەكسپو-عا كىرە الماي، اشۋدان جارىلارداي بولىپ وتىر.
باسقا باسقا، الەمدىك كورمەدەن مۇنداي سۇمدىق شىعادى دەپ ويلامادىم دەيدى. بيلەتتى، ارينە مەكتەپتەن العان. وسىنداي شۋ 12-نەن بەرى شىعىپ جاتىر ەكەن. كوپتەگەن مۇعالىمدەردىڭ بيلەتتەرى كوشىرمە بولىپ شىعىپ جاتىر دەيدى. بۇگىن شىمكەنتتەن باسشىلار ۇشىپ كەلىپ، شۋ شىعارماۋلارىن ءوتىنىپ جاتقان كورنەدى!
قۇرمەتتى ەسىموۆ مىرزا، دەرەۋ مۇعالىمدەرگە ساتىلعان بيلەتتەردى تەكسەرۋدى سۇرايمىن! مۇنداي زاڭسىزدىقتاردى دەرەۋ تەكسەرىڭىز. بيلەتتى دارىگەر، مۇعالىمدەرگە قيناپ العىزعانىڭىز ازداي،ەندى سول العان بيلەتتەرى جارامسىز...
بيلەتتىڭ باعاسىن ايتا كەتسەك ، ەڭ ارزانى 4 مىڭنان باستالادى. قۇرمەتتى الۋمەتتىك جەلىدەگى دوستار، بيلەت العاندا اباي بولىڭىزدار. العان بيلەتەرىڭىز جالعان بولىپ، كىرە الماي قالماڭىزدار. ەگەر الساڭىزدار دەرەۋ تەكسەرىڭىزدەر!
Makhsat Yerbolat ەسىمدى فەيسبۋك قولدانۋشىسىنىڭ پاراقشاسىنان الىنعان
