پورتۋگالياداعى ورتتەن كەيىن 62 ادام قايتىس بولدى دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساي وتىرىپ.پارتۋگاليا ايماعىنداعى ورمان كۇننىڭ قاتتى ىسۋىنان كەيىن ورتەنىپ كەتكەن. بيلىكتەگىلەردىڭ ايتۋى بويىنشا، 30 ادامنىڭ دەنەسى ورتەنگەن كولىكتەردىڭ ىشىنەن، 17 ادامنىڭ دەنەسى تاس جولدان تابىلعان ەكەن. ال قالعان 11 ادام پەدروگان-گراندي ەلدى-مەكەنىنەن تابىلىپتى.

«قايتىس بولعانداردىڭ سانى بۇدان دا كوپ بولۋى مۇمكىن»، - دەيدى بيلىك باسشىسى انتونيۋ كوشتا. قايتىس بولعان ادامدادىڭ اراسىندا كامەلەتكە تولماعان 4 بالا بار.

60-قا جۋىق ادامدى كۇيىك شالىپ، اۋرۋحاناعا جاتقىزىلعان. پريمەر-مينيستر بولعان اپاتتى «جويقىن قاسىرەت» دەپ اتادى.

پورتۋگاليا ەلىندە ىستىق 40 گرادۋسقا دەيىن جەتكەن. سوندىقتان ەلدەگى ورماندار ورتەنىپ جاتىر. وسىعان ۇقساس اپاتتار اسىرەسە تامىز ايىندا ءجيى بولىپ تۇرادى ەكەن. 

شولۋشى: اسەل وتەشوۆا