استانا ەحرو 2017 حالىقارالىق مامانداندىرىلعان كورمەسىندەگى اقش پاۆيلونىن ۇيىمداستىرۋشىلار قازاقستانمەن ىنتىماقتاستىقتى دامىتا تۇسۋگە مۇددەلى ەكەنىن ايتادى. بۇل تۋرالى قامشى اقپاراتتىق اگەنتتىگى 24.kz-كە سىلتەمە جاساپ. 

امەريكادا ەحرو سوڭعى رەت 1984 جىلى وتكەن ەكەن. ودان بەرى وتىز جىلدان استى. الايدا اقش 2001 جىلدان بەرى حالىقارالىق كورمەلەر بيۋروسىنىڭ رەسمي مۇشەسى ەمەس. قازاق ەلىندەگى ەحرو 2017 كورمەسى حالىقارالىق جوباعا قاتىسۋعا مۇمكىندىك بەرگەن ماڭىزدى شارا سانالىپ وتىر. ءقازىر اقش تاراپى 2023 جىلعى ەحرو-نى قابىلداۋ ماقساتىندا سايلاۋ ناۋقانىنا دايىندىق جاساي باستادى.

 ماردجەري كراۋس، امەريكا پاۆيلونى كەڭەسىنىڭ مۇشەسى: – قازاقستان مەن اقش-تىڭ كوپتەگەن ماماندارىنىڭ كۇشىمەن ەحرو 2017 كورمەسىندە امەريكا پاۆيلونى اشىلدى. بىزدەرگە ادامدار كوپ كەلەدى. بۇل ەكى ەل اراسىنداعى دوستىقتىڭ كورىنىسى دەر ەدىم. اراداعى ىقپالداستىق ارتا بەرەتىنىنە سەنىمدىمىن. ءتىپتى ەكى ەل اراسىنداعى قارىم-قاتىناس نىعايا تۇسەتىنى انىق.

توماس فايەرسون، Baker & McKenzie كومپانياسىنىڭ وكىلى: – بىزدەر اقش پەن قازاقستان اراسىنداعى ەكونوميكالىق بايلانىستاردى قۇپتايمىز. ەحرو 2017 كورمەسى قازاقستاندى امەريكالىق ينۆەستورلارعا جاقىنداتا تۇسەدى دەگەن ويدامىز. قازاقستانمەن ىسكەرلىك قارىم-قاتىناس ورناتۋ ەكى جاققا دا ءتيىمدى دەر ەدىم. جانە بايلانىستىڭ جاندانا تۇسەرىنە سەنىم مول.

شولۋشى: ايگەرىم تاۋباي