استانا قالاسىنىڭ اكىمى اسەت يسەكەشيەۆ قازاقستاندىق پوليسيا كۇنى قارساڭىندا ەلوردالىق ىشكى ىستەر دەپارتامەنتىنە جاڭا قىزمەتتىك اۆتوكولىكتەردىڭ كىلتتەرىن تابىستادى، دەپ حابارلايدى قامشى اقپاراتتىق اگەنتتىگى ءىىد-نىڭ باسپا ءسوز قىزمەتىنە سىلتەمە جاساپ.
استانالىق ىشكى ىستەر دەپارتامەنتىنىڭ قىزمەتتىك اۆتوكولىكتەرىنىڭ سانى قازاقستاندا قۇراستىرىلعان 94 كولىككە تولىقتى. اۆتوكولىكتەر سيگنالدى-داۋىس زورايتقىش قۇرىلعىلارمەن، راديوستانسيالارمەن، بەينە تىركەگىش جانە باسقا دا زاماناۋي تەحنيكالىق تالاپتارعا ساي قۇرالدارمەن جابدىقتالعان.
جاڭا اۆتوكولىكتەر جول-پاترۋلدىك پوليسيا پولكىنە، ۋچاسكەلىك پوليسيا ينسپەكتورلارىنا، جەرگىلىكتى پوليسيا قىزمەتىنىڭ كينولوگيالىق ۆزۆودىنا، اۋداندىق باسقارمالار مەن اكىمشىلىك پوليسيانىڭ كەزەكشى بولىمدەرىنە پايدالانۋعا بەرىلدى.
بۇل اتالعان بولىنىستەر قىزمەتىنىڭ جەدەلدىگىن ارتتىرۋعا جانە ەلورداداعى قوعامدىق ءتارتىپتى قامتاماسىز ەتۋگە سەپتىگىن تيگىزەدى.
«جول قاۋىپسىزدىگىن قورعاۋ ماقساتىندا پوليسەيلەر سۇيەمەلدەۋدى قامتاماسىز ەتىپ، ەكسپو حالىقارالىق كورمەسىنە كەلگەن مەكتەپ وقۋشىلارىنا، باسقا ايماقتاردان كەلۋشىلەرگە جانە شەتەلدىك تۋريستەرگە قالا اۋماعىنا بەيىمدەلۋىنە كومەك كورسەتەدى»، - دەلىنگەن تاراتىلعان حابارلامادا.
