ورال قالاسىنداعى قوناقۇيلەردىڭ ءبىرىنىڭ كۇزەتشىسى كەلۋشىلەرگە جەڭىل ءجۇرىستى قىزداردى اكەپ وتىرعان، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ.
بيىل ماۋسىمدا ءوڭىر پوليسەيلەرى "STOP ترافيك" جەدەل الدىن الاۋ شاراسىن وتكىزگەن.
"شارا بارىسىندا ورال قوناقۇيلەرىنىڭ بىرىندە جەڭگەتايلىق دەرەگى انىقتالدى. 1992 جىلعى شۆەيسار-كۇزەتشى بولىپ ىستەيتىن ازامات ءتورت مىڭ تەڭگە ءۇشىن ج. اتتى ازاماتقا اقىلى جىنىستىق قاتىناس ءۇشىن ەكى قىزدى جەتكىزىپ بەرگەن"، - دەيدى ءىىد وكىلدەرى.
سونىمەن قاتار، اكىمشىلىك جاۋاپكەرشىلىك بويىنشا التى دەرەك انىقتالدى. 2017 جىلدىڭ 27 ماۋسىمىندا ءوڭىردىڭ ۇيىمداسقان قىلمىسقا قارىس كۇرەس باسقارماسىنا بوكەيوردا اۋدانىنداعى قىستاۋدىڭ بىرىندە ەكى ازاماتتى زاڭسىز جۇمىسقا سالىپ وتىرعانى تۋرالى اقپارات تۇسكەن.
