قازاق كۇرەسىنەن جەتىنشى رەت ۇيىمداستىرىلعان "قازاقستان بارىسى" جەڭىمپازى انىقتالدى. استاناداعى "بارىس ارەنادا" وتكەن دودادا ەلامان ەرعالييەۆ ۇزدىك شىقتى، - دەپ حابارلايدى قامشى اقپاراتتىق اگەنتتىگى Vesti.kz-كە سىلتەمە جاساپ.

استانادا وتكەن قازاقستان بارىسىنا ۇلان رىسقۇل، ايبەك نۇعىماروۆ پەن مۇحيت تۇرسىنوۆ سىندى جەڭىمپاز اتانعان بالۋاندار قاتىستى. ال بۇل دودادا ءۇش رەت جەڭىمپاز اتانعان بەيبىت ىستىبايەۆ بيىلعى جارىسقا قاتىسقان جوق. ول كۇزدە وتەتىن "الەم بارىسىندا" ب ا ق سىناۋدى جوسپارلاپ وتىر.

2014 جىلى قازاقستان بارىسى اتانعان مۇحيت تۇرسىنوۆ ءبىرىنشى بەلدەسۋىندە "اسكەر بارىسى" اتانىپ كەلگەن ەلامان ەرعالييەۆتەن جەڭىلدى. بايقوڭىر قالاسىنىڭ تۋماسى شيرەك فينالدا قاراعاندىلىق اسىل بارمەنوۆتى جارىستان شىعاردى. اسىل جاراقاتىنا بايلانىستى بەلدەسۋدى سوڭىنا دەيىن جالعاستىرا المادى. ەلامان ەرعالييەۆ.

جىگەر ابەنوۆ ەلامان ەرعالييەۆ جارتىلاي فينالدا اتىراۋلىق ارمان قالييەۆتى ايقىن جەڭىپ، فينالعا شىقتى. جارتىلاي فينالداعى ەكىنشى بەلدەسۋدە تۇڭعىش "قازاقستان بارىسى" مەن 2013 جىلعى جەڭىمپاز ايبەك نۇعىماروۆ كەزدەستى. تارتىسقا تولى وتكەن بەلدەسۋدە الماتى وبلىسىنىڭ اتىنان شىققان ۇلان رىسقۇلدىڭ اسىعى الشىسىنان ءتۇستى. ەلامان ەرعالييەۆ.

جىگەر ابەنوۆ قولا بەلبەۋ ءۇشىن كۇرەستە شىعىس قازاقستاننىڭ نامىسىن قورعاعان ايبەك نۇعىماروۆ اتىراۋلىق ارمان قالييەۆتى جەڭدى. فينالدا ءبىرىنشى بولىپ ءادىس جاساماق بولعان ۇلان رىسقۇل ەلاماندى شالىپ جىعا المادى. ەسەسىنە قارسىلاسى ءادىس پايدالانىپ، جارتىلاي جەڭىسكە يە بولدى. ارتىنشا تازا جەڭىسكە جەتتى. جارىس جەڭىمپازى اتانعان بالۋان ەلامان ەرعالييەۆكە التىن بەلبەۋ جانە التىننان قۇيىلعان "تايتۇياق" تابىستالدى. سونداي-اق 25 ميلليون تەڭگە سىياقى الدى. جاتتىقتىرۋشىسى دا سىياقىدان قۇر الاقان قالمايدى. 3،5 ميلليون تەڭگە كولەمىندە سىياقى يەلەنەتىن بولادى.

 كۇمىس بەلبەۋدى يەلەنگەن ۇلان رىسقۇل 5،5 ميلليون تەڭگەگە يە بولدى. جاتتىقتىرۋشىسىنا 1،8 ميلليون تەڭگە بەرىلدى. قولا بەلبەۋ ءۇشىن وتكەن بەلدەسۋدە جەڭىسكە جەتكەن ايبەك نۇعىماروۆ 1،8 ميلليون تەڭگەنىڭ سەرتيفيكاتى تابىستالدى. جاتتىقتىرۋشىسى 900 000 تەڭگە الادى.

ايتا كەتەيىك، بالۋاندار ءار بەلدەسۋدە جەڭىسكە جەتكەن سايىن 100 000 تەڭگەدەن يە بولىپ وتىردى.

شولۋشى: ايگەرىم تاۋباي