تۇركيانىڭ وڭتۇستىك-باتىس ايماعىندا جەر سىلكىندى دەپ حابارلايدى Qamshy.kz اقپارات اگەنتتىگى Lenta.ru سايتىنا سىلتەمە جاساي وتىرىپ. اقش گەولوگيالىق قىزمەتىنىڭ مالىمەتى بويىنشا، تابيعات اپاتى بودرۋم كۋرورتتى قالاسىنان وڭتۇستىككە قاراي 10 شاقىرىم جەردە ورنالاسقان جانە تەرەڭدىگى 10 شاقىرىمدا بولعان.
جەر سىلكىنىسى شاعىن سۋنامي تۋدىردى، ونىڭ امپليتۋداسى 25 سانتيمەترگە جۋىقتى قۇراعان. 21 شىلدەگە قاراعان ءتۇنى مۋگلا پروۆينسياسىنىڭ گۋبەرناتورى ەسەنگيۋل دجيۆەلەكتىڭ الدىنا الا ايتقان مالىمەتتەرى بويىنشا، جەر سىلكىنىسى سالدارىنان ءىرى قيراۋ وقيعالارى بولماعان ەكەن.
جەراستى دۇمپۋلەرى ەگەي تەڭىزىنىڭ جاعالاۋىندا دا بولعان، ءبىراق بودرۋم جانە داچي اۋداندارىندا ول اناعۇرلىم قاتتى بايقالىپتى. بودرۋمدا جەكەلەگەن ەسكى عيماراتتاردىڭ قابىرعالارىندا جارىقتار پايدا بولىپ، ەلەكتر جارىعى سونگەن. كوپتەگەن قالالار مەن ەلدى مەكەندەر تۇرعىندارى كوشەگە جۇگىرىپ شىعىپتى. ال بيلىك وكىلدەرى جەر سىلكىنىسىنىڭ قايتالانۋى قاۋپىمەن تۇرعىندارعا ازىرگە ۇيلەرىنە ورالماۋعا كەڭەس بەرگەن. وقيعا ورنىنا قۇتقارۋشىلار جەتۋدە، زارداپ شەككەندەر تۋرالى اقپارات جوق.
