قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى «دارىن» مەملەكەتتىك جاستار سىيلىعىن تاعايىنداۋ بويىنشا كونكۋرس جاريالادى دەپ حابارلايدى Qamshy.kz اقپارات اگەنتتىگى.

بيىلعى جىلدان باستاپ «دارىن» مەملەكەتتىك جاستار سىيلىعى جەمiستi عىلىمي، شىعارماشىلىق، قوعامدىق قىزمەتى، سونداي-اق جوعارى سپورتتىق جەتىستىكتەرى ءۇشىن دارىندى جاستاردى مەملەكەتتىك قولداۋ ماقساتىندا جىل سايىن تاعايىندالادى.

نوميناسيالار قاتارىنا عىلىم، ادەبيەت، جۋرناليستيكا، سپورت، حالىق شىعارماشىلىعى، ديزاين جانە بەينەلەۋ ونەرى، ەسترادا، تەاتر جانە كينو، كلاسسيكالىق مۋزىكا، قوعامدىق قىزمەت ەنەدى.

سىيلىق الۋعا ۇمىتكەر رەتىندە حالىقارالىق جانە رەسپۋبليكالىق كونكۋرستاردىڭ، فەستيۆالدەر مەن كورمەلەردىڭ لاۋرەاتتارى، رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى بولىپ تابىلاتىن 29 جاسقا دەيىنگى قازاقستان رەسپۋبليكاسىنىڭ ازاماتتارى، سونداي-اق قىزمەتى يننوۆاسيالىق بولىپ تابىلاتىن جانە ءتيىستى سالا مەن تۇتاستاي قوعامدى دامىتۋعا ىقپال ەتەتىن ازاماتتار ۇمىتكەر بولادى.

سىيلىق ءبىر ۋاقىتتا ءار نوميناسيا بويىنشا ەكىدەن ارتىق ەمەس ىزدەنۋشىگە بەرىلۋى مۇمكىن، بۇل جاعدايدا ونىڭ اقشالاي بولىگى ولاردىڭ اراسىندا تەڭ بولىنەدى. سىيلىقتى قايتا بەرۋگە جول بەرىلمەيدى. بiر كانديداتۋرانى بiر نوميناسيادان ارتىق سىيلىق الۋعا ۇسىنۋعا بولمايدى.

سىيلىق الۋعا كانديداتۋرالار ۇسىنۋدى ورتالىق، جەرگiلiكتi جانە وزگە دە مەملەكەتتiك ورگاندار، قوعامدىق بiرلەستiكتەر مەن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلگەن وزگە دە زاڭدى تۇلعالار جۇرگiزەدi.

سىيلىق العان ادامدارعا «دارىن» مەملەكەتتىك جاستار سىيلىعىنىڭ لاۋرەاتى» اتاعى بەرىلەدى، ديپلوم، توسبەلگى جانە اقشالاي سىيلىق تابىس ەتiلەدi.

سىيلىقتار سالتاناتتى جاعدايدا بەرىلەدى، ماراپاتتاۋ ءراسiمi قازاقستان رەسپۋبليكاسىنىڭ تاۋەلسiزدiك كۇنiنە ورايلاستىرىلادى.

ۇمىتكەرلەردىڭ قۇجاتتارى 2017 جىلدىڭ 19 قىركۇيەككە دەيىن قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى جاستار ساياساتى دەپارتامەنتى استانا قالاسى، ماڭگىلىك ەل، 8، مينيسترلىكتەر ءۇيى (15-كىرەبەرىس)، 8 /7172/ 74 18 43، 8/7172/74-13-85، m.mazhitov@diakom.gov.kz، zh.zhunusova@diakom.gov.kz مەكەنجايى بويىنشا قابىلدانادى.

ايتا كەتەيىك، ءدىن ىستەرى جانە ازاماتتىق قوعام مينيسترلىگىنىڭ باستاماسىمەن «دارىن» مەملەكەتتىك جاستار سىيلىعى جىل سايىن تاعايىندالادى. قازاقستان رەسپۋبليكاسىنىڭ ۇكىمەتى ءتيىستى قاۋلىعا قول قويدى.

بۇعان دەيىن «دارىن» مەملەكەتتىك جاستار سىيلىعى نوميناسيالار بويىنشا ەكى جىلدا ءبىر رەت عانا تاعايىندالىپ كەلدى.