«سپورتتىق الماتى» باعدارلاماسىنىڭ اياسىندا استانا كۇنىنە ارنالعان ءداستۇرلى «نۇرسۇلتان شىڭى-2017» الپينياداسى ءوتتى، دەپ حابارلايدى Qamshy.kz اقپارات اگەنتتىگى.

قالانىڭ اقپاراتتىق-سپورتتىق حابىنىڭ مالىمەتىنە سايكەس، اتالمىش شارا شىمبۇلاق تاۋ شاڭعى كۋرورتىندا 5 مىڭ ادامنىڭ باسىن قوستى. ونىڭ ىشىندە ەۋروپا مەن ازيا ەلدەرىنەن كەلگەن قوناقتار قاتىستى. 4 376 مەتردى باعىندىرۋعا تىلەك بىلدىرۋشىلەر اراسىندا كاسىپكەر سپورتشىلار، بالالار مەن ەرەسەكتەر تە بولدى.

ايتۋلى دوداعا 16 جاستان جوعارى بارلىق قاتىسۋشىلار باقتارىن سىنادى، ال ودان كىشىلەرى اتا-انالارىمەن بىرگە قاتىستى. ايتا كەتەتىن جايت، قاتىسۋشىلار اراسىندا قازاقستان قالالارىمەن قاتار، تمد ەلدەرىنەن كەلگەندەر دە بولدى.

"مەن العاش رەت شىڭعا شىقتىم. قازاقستانعا ىسساپارمەن كەلگەنمىن، ارىپتەستەرىم وسى سپورتتىق شاراعا قاتىسۋعا كەڭەس بەردى. ماعان بارلىعى ۇنادى. تاعى بىرنەشە كۇنگە قالۋ جوسپاردا بار"، - دەپ ءبولىستى رەسەيدەن كەلگەن قوناق سەرگەي سادوۆسكيي.

سونىمەن قاتار، ءوز اسەرلەرىمەن ەلوردا قالاسىنىڭ تۇرعىنى ايگەرىم ءجۇمادىلوۆا دا ءبولىستى. بويجەتكەن استانادان الپينياداعا قاتىسۋ ءۇشىن ارنايى كەلگەن. اتاپ وتسەك، وسى جىلى ايتۋلى دودا 22ء-شى مارتە ءوتتى.

 - بۇل جارىس تۋرالى تاتەمنەن ەستىدىم. ءسويتىپ، عالامتوردان تولىق اقپاراتتى تاۋىپ، قاشان، قاي ۋاقىتتا وتەتىنىن ءبىلدىم. استانادان ب ا ق سىناۋعا كەلدىم. شىنى كەرەك، تاجىريبەسىز، شىڭعا شىعۋ وڭاي ەمەس. ءبىراق، مەن اۋىر جەڭىل اتلەتيكامەن جانە بيمەن شۇعىلدانامىن. سوندىقتان، جەڭىلىرەك بولدى دەپ ويلايمىن، - دەپ اتاپ ءوتتى ايگەرىم.

الماتى قالاسى اكىمدىگىنىڭ قۇتقارۋ قىزمەتىنىڭ كومەگىمەن تالعار اسۋىندا (3 200 م)، ال الماتى قالاسى الپينيزم فەدەراسياسىنىڭ قولداۋىمەن نۇرسۇلتان شىڭىندا (4 376 م) بۇقارالىق الپينيادا قاتىسۋشىلارىن تىركەۋ ءوتتى. ناتيجەسىندە، سوڭىنا دەيىن 290 ادام عانا جەتە الدى. ولاردىڭ ىشىندە مارافون جانە سكايراننينگ شەبەرلەرى الپينيادا جۇلدەگەرلەرى اتاندى. ەرلەر اراسىندا 1 ساعات 55 مينۋتتا ءبىرىنشى بولىپ ماليك ابدۋ-اسەت كەلسە، ال ايەلدەر اراسىندا ايجان جومباتىر شىڭدى 2 ساعات 27 مينۋتتا باعىندىردى.

مارەدە قاتىسۋشىلار مەن شىمبۇلاق قوناقتارىن «پاندورا» بي توبى سەرگىتتى، ال «گالانتۋس» توبى اسەم اۋەن سىيلادى. كىشكەنتاي بۇلدىرشىندەردىڭ كوڭىلىن ساحنادا انيماتورلار مەن پاۆەل مەدۆەد ديدجەيى ءۋوڭىل اۋلادى. 

ايتا كەتسەك، الپينيادانىڭ باستى ماقساتى سالاۋاتتى ءومىر سالتىن ناسيحاتتاۋ. جىل سايىن شىلدەنىڭ باسىندا ءداستۇرلى الپينيادا وتەدى، وندا ادامدار تەڭىز دەڭگەيىنەن 4 376 مەتر بيىك نۇرسۇلتان شىڭىنا شىعادى. بۇل ەڭ بيىك، ءارى كەرەمەت شىڭداردىڭ ءبىرى.