قاراعاندا وبلىسى قارقارالى قالاسىنىڭ اكىمى نۇرلان باتىربەكوۆ ءوز ەركىمەن قىزمەتىنەن كەتتى. بۇل تۋرالى Tengrinews.kz حابارلايدى. ءوز ەركىمەن لاۋاىزىمىنان باس تارتقان اكىم، بۇل شەشىمىن وتباسىلىق جاعدايعا بايلانىستى دەپ قىسقا قايىرعان. ەستەرىڭىزدە بولسا قارقارالى قالاسىنىنىڭ اكىمى نۇرلان باتىربەكوۆتىڭ  23 جاسار ستۋدەنت ۇلى ءوزىنىڭ 33 جاستاعى سەرىگىمەن ۋنيۆەرسيتەت قابىرعاسىنداعى تانىسىن ءولىمشى حالىندە سوققىعا جىققان. سوققى جەگەن جىگىت ەسىنەن  تانعاندا، ونى ولدىگە ساناپ قالا سىرتىنداعى توعايعا اپارىپ « ۆاز» ماركالى كولىكتىڭ ارتقى جۇك سالعىشىنا سالىپ، كولىكتى ورتەپ جىبەرىپ، وقيعا ورنىنان ءىزىن جاسىرعان. ابىروي بولعاندا سوققى جەپ، دەنەسىن كۇيىك شالعان جابىرلەنۋشى جىگىت امالىن تاۋىپ، سىتىلىپ شىعىپ جول جيەگىندەگى كولىكتەردى توقتاتقان. جابىرلەنۋشىنى قالالىق اۋرۋحاناعا سۇيەكتەرى بىرنەشە جەردەن سىنعان، جاراقاتتى جاعدايدا جەتكىزگەن. قارقارالى قالالىق قىلمىستىق ىستەر پوليسياسى اكىمنىڭ ۇلىمەن ونىڭ سەرىگىن ۇستاعان. بۇرىنىراق نۇرلان باتىربەكوۆتىڭ بالاسى سۋىق قارۋدى ساقتادى  دەگەن كۇدىكتە جۇرگەن بولاتىن. قوس ايىپتالۋشى ۇستىنەن ق ر قىلمىستىق كودەكسىنىڭ  24-96 بابى بويىنشا « كىسى ولىمىنە قاتىستى» جانە 187 باب بويىنشا « بوتەننىڭ مۇلكىن جويىپ جىبەرگەنى» دەگەن ايىپپەن قىلمىستىق ءىس قوزعالعان بولاتىن.