قازاق كۇي ونەرىنىڭ اسقان جۇيرىك دۇلدۇلدەرىنىڭ ءبىرى، كوپكە تانىس كوسەم كۇيشى، ايتۋلى سازگەر ءاشىم دۇڭشى ۇلىنىڭ تۋعانىنا 118 جىل تولۋ بايلانىسىمەن ءاشىمنىڭ شاكىرتى، ايگىلى كۇيشى، سازگەر كامال ماقاي ۇلىنىڭ ۇسىنىسىنا ساي كۇنەس اۋداندىق ءاشىم كۇي مادەنيەتىن زەرتتەۋ قوعامى مەن سوربۇلاق قالاشىعى سوربۇلاق قىستاعىنداعى ءاشىمنىڭ بالالارى مەن تۋىس-تۋعاندارىنان ءسابيتقان باكىر ۇلى، شيپان ءاشىم ۇلى، مۇقتاربەك جازاي ۇلى (ءاشىمنىڭ نەمەرەسى)، مەيىرجان ابجىك ۇلى (ءاشىمنىڭ نەمەرەسى)، ابجىك ءاشىم ۇلى، ماناپقازى داۋلەتقان ۇلى، سوربۇلاق قىستاعىنىڭ باستىعى ساۋلەتبەك تۇياقبەك ۇلى جانە نۇربولات سابىرقان ۇلى قاتارلى ازاماتتار مەن ونەرسۇيەر قاۋىم ۇيىمداسىپ، ءاشىمنىڭ ءقابىرى باسىنا ەڭسەلى كەسەنە ورناتىپ، كەسەنە اينالاسىنداعى كولەمدى جەردى بولساتىپ، “ءاشىم باقشاسىن” قۇرۋعا كىرىستى.
بۇل يگى باستامانى قولداعان قالاشىق باسشىلىعى ءتيىستى كومەگىن اياعان جوق. ۋاقىت ۇزارىپ، جىلدار جىلجىسا دا ونەرى مەن ونەگەسى ءوز بوياۋىن وشكىندەتپەي ۇلاعاتى ۇرپاققا ۇلاسىپ كەلە جاتقان اشىمدەي كۇي ءپىرىنىڭ سوربۇلاققا كىرەر اۋزىنداعى ەڭسەسى كەسەنەسىن كورگەن جۇرت بارەكەلدىسىن ايتىپ ءسۇيىندى.
