-سابىر اعا، ءسىز كونستيتۋسيالىق سوتتا اتىشۋلى "جەلتوقسان ءىسىنىڭ" قوزعالۋىنا مۇرىندىق بولعان ادامسىز. بۇل قادامعا قالاي باردىڭىز؟

– قازاقستاننىڭ وتارلانۋى تاريحىن وقىعانىمدا قىلمىسكەر باسقىنشى جۇيەنiڭ ۇلتىمدى قالاي قورلاعانىن تەرەڭ ءتۇسiندiم. وسىدان كەيiن مەملەكەتتiك الىپ ماشينانىڭ ءار ناقتى كەزەڭدەگi قىلمىسىن اشكەرەلەپ، بەت-پەردەسiن سىپىرۋعا بەل شەشە كiرiستiم.

جەلتوقسان كوتەرiلiسiنiڭ اناتومياسىن جاقسى بiلەمiن. قازاق ۇلتىنىڭ بوس­تاندىق تالاپ ەتكەن باس كوتەرۋiن قالاي باسىپ-جانشۋ كەرەكتiگi جانە كوتەرiلiسكە قاتىسۋشىلاردى قالاي قۋدالاۋ قاجەتتiگi ءجونiندەگi قۇپيا قۇجاتتاردى تۇگەلگە جۋىق پاراقتاپ شىقتىم. سوندىقتان دا قولىن قانعا مال­عانداردى سوتتاۋ ءۇشiن حالىقارالىق ستاندارتتار مەن نورمالارعا سۇيەنiپ، ەڭ بولماسا بiر رەت زاڭدى جاۋاپكەرشiلiككە شاقىرۋ ءۇشiن “كiشi نيۋرنبەرگ پروسەسiن” جوسپارلاپ، دايىندادىم. الايدا، بiرiككەن زۇلىم كۇشتەر بۇل جولى دا ءادiلدiك پەن شىندىقتان باسىم ءتۇستi. ناتيجەسiندە تاريحي شەشiم شىعارۋعا نەگiز بولارلىق دالەلدەر، تال­قىعا سالۋ ءۇشiن جۇيەلi تۇردە دايىندالعان iس اشىق جاريا ەتiلمەي، جابۋلى كۇيiندە قالدى.

 – كەڭەس وداعىنىڭ جوعارى شەندiلەرi، ماسەلەن بەريا ستاليندiك رەپرەسسيانى iسكە اسىرعانى ءۇشiن جازالانىپ، اتۋ جازاسىنا كەسiلدi. ال ەندi جەلتوقسان كوتەرiلiسiنەن كەيiن قۋعىن-سۇرگiن ۇيىمداستىرعان شەنەۋنiكتەردiڭ ءۇستiنەن ەڭ بولماسا قىلمىستىق iس قوزعالىپ كوردى مە؟

– ءجون سۇراق. ءوز ۇلتىن قانعا بوياعان قىلمىسكەرلەر ءتۇپتiءڭ-تۇبiندە جاۋاپ­كەر­شi­لiككە تارتىلادى. وكiنiشكە قاراي، ستاليندiك جەندەتتەردiڭ بارلىعى بiردەي قىلمىستىق جاۋاپكەرشiلiككە تارتىلعان جوق. سول تۇستا كەڭەس وداعىنىڭدا جوعارى قىزمەت اتقارعاندار مۇنى ماسەلە ەتiپ كوتەرتپەۋگە تىرىستى. ويتكەنi ولاردىڭ وزدەرiنiڭ قولى قانعا بىلعانعان بولاتىن. ال بەريانىڭ اتۋ جازاسىنا كەسiلگەنiنە كەلسەك، بۇل – ستاليننiڭ مۇراگەرلەرi اراسىنداعى بيلiككە، تاققا تالاس-تارتىستىڭ ناتيجەسi.

 قازاق كسر-i جوعارعى كەڭەسi پرەزيديۋمى كوميسسياسى قورىتىندىسى بويىنشا بiز كوتەرiلiستi قاتiگەزدiكپەن باسىپ-جانشىعان، قۋعىن-سۇرگiن ۇيىمداستىرعان كەڭەس وداعى مەن قازاقستاننىڭ قىرىقتان استام باسشىسىن وتستاۆكاعا جiبەرiپ، جاۋاپكەرشiلiككە تارتۋدى تالاپ ەتتiك. بۇلاردىڭ كوپشiلiگi باسقا جۇمىسقا اۋىسىپ كەتتi نەمەسە كوز ەتۋ ءۇشiن عانا قىزمەتiنەن شەتتەتiلدi. كوميسسيا قورىتىندىسىنىڭ 7-تارماعىندا قىلمىستىق iس قوزعاماۋعا بولمايتىن دالەلدەردi ءوز قولىممەن تiزiپ جاز­عانمىن. بiراق، بiردە-بiر قاناۋشىنى، بiردە-بiر ساتقىندى قىلمىستىق جاۋاپ­كەرشiلiككە تارتپادى. اقىرىندا قىلمىستىق iس قوزعالمادى، بiردi-ەكiلi iس قوزعالعانىمەن، جەرiنە جەتپەي، توقتاپ قالدى.

 ونى ايتاسىز، تiپتi بiردi-ەكiلi بەل­سەندi قىزمەتتە جوعارىلاپ، بiرشاما ۋاقىت جاۋاپتى قىزمەت اتقاردى. ماسەلەن، ءادiلەت مينيسترiنiڭ ورىنباسارى ي.تەتەركين. ول جەلتوقسانشىلاردىڭ زاڭسىز سوتتالۋىن، ۇكiمنiڭ زاڭسىز شىعۋىن ۇيىمداستىرعان سوڭ قىزمەتi جوعارلاپ، قازاقستاننىڭ جوعارعى اربيتراجدى سوتىنىڭ ءتوراعاسى قىزمەتiنە جايعاستى.

قازمۇۋ-دiڭ رەكتورى ە.ەرعوجين – الاڭعا شىققان جاستاردىڭ جەر-جەبiرiنە جەتiپ، ولاردىڭ ودان ءارi ساياسي تۇرعىدا قۋعىندالۋىنا جول اشىپ بەردi. سول ادام ءالi كۇنگە دەيiن عىلىمي مەكەمەنi باسقارىپ وتىر. مۇنداي قارالاۋشىلار مەن ساتقىندارعا بولعان وقيعانى سول كۇيiندە ايتىن بەرۋدi، جارماحان تۇياقباي سەكiلدi ءوز حالقىنان كەشiرiم سۇراۋدى ءارقاشاندا ولاردان تالاپ ەتiپ كەلەمiن. مۇندايلار وتە كوپ، ەگەر ولار حالىقتىڭ الدىندا باسىن يiپ كەشiرiم سۇراماسا، كۇندەردiڭ-كۇنiندە ءبارiنiڭ اتىن اتاپ، ءتۇسiن تۇستەپ بەرەمiن.

– جەلتوقسان كوتەرiلiسi دەسە، كوپشiلiك شاحانوۆتى، بiرەۋلەر قايرات رىسقۇلبەكوۆ، ءلاززات اسانوۆانى ەسكە الادى. بiر انىعى، جەلتوقسان كوتە­رiلiسi تۋرالى پiكiر سان تاراپقا ءبولiنiپ كەتكەن سياقتى. بۇل نەنiڭ سالدارى؟

– ونىڭ سەبەبi بiرەۋ. بiزدiڭ مەملەكەتتە جەلتوقسان كوتەرiلiسiنە تاريحي-ساياسي باعا بەرiلگەن جوق، كوتەرiلiسكە قاتىسقان جاستاردىڭ جاپپاي باتىرلىعى، ۇلتشىل-ازاتشىل حالىقتىڭ كوتەرiلiسi رەتiندە باعالانعان جوق. ناعىز باتىرلارىمىزدىڭ اتىن ءالi اتاعامىز جوق. سوندىقتان دا قاراپايىم حالىق جەلتوقسان كوتەرiلiسiنە قاتىسپاعان، سول تۇستا قازاقستاننان تىسقارى جۇرگەن، بiراق دەپۋتاتات رەتiندە (باسقالار ءۇنiن شىعارماي وتىرعاندا)، ماسكەۋدەگi سەزدە بiزدiڭ ەلدەگi جاعدايدى الەمگە ايگiلەگەن، قازاقستان جوعارعى كەڭەسi پرەزيديۋمى كوميس­سيا­سىن باسقارعان، كوتەرiلiس حاقىندا ايتىپ تا، جازىپ تا جۇرگەن م.شاحانوۆپەن بايلانىستىرادى. ق.رىسقۇلبەكوۆ، ل.اسانوۆا، ە.سىپاتايەۆقا جانە باسقا دا ازاماتتارعا باسىمىزدى يۋگە تيiسپiز، بiراق ولار – كوتەرiلiسكە قاتىس­قان ونداعان مىڭ قاھارماننىڭ بiرنە­شەۋi عانا. وكiنiشتiسi سول، بۇلار جۇمباق جاعدايدا قازا بولدى. بiز ءالi شىندىقتى ايقىنداعان جوقپىز. ق.رىسقۇلبەكوۆتىڭ ءولتiرiلۋi ارنايى قىزمەتتiڭ تاپسىرىسى بويىنشا جوسپارلانعانىنا جانە iسكە اسىرىلعانىنا قاراماستان، بiز ءالi دە مۇنىڭ باسىندا كiم تۇرعانىن انىقتاي المادىق. بiزدiڭ بيلiكتiڭ جا­ۋاپسىزدى وسىندا، جاستاردىڭ جاپپاي باتىرلىعىن، ءاسiرەسە، قىزداردىڭ باتىلدىعىن باعالاۋدىڭ ورنىنا، جەكەلەگەن ادامداردى قولدان قاھارمان جاساپ شىعاردى. سونداي-اق، كوتەرiلiسكە حالىقارالىق ساياسي سيپات بەرۋ iسi دە اياقسىز قالدى.

 – بۇعان دەيiنگi ۇلت-ازاتتىق كوتە­رiلiستەردiڭ بارلىعى دا قازاق ۇلتىنىڭ ازاتتىعى ءۇشiن بولدى. ال ەندi 1986 جىلعى جەلتوقسان كوتەرiلiسi كەڭەس وداعى قۇرامىنداعى ەلدەردiڭ تاۋەلسiزدiك الۋىنا تۇرتكi بولدى دەپ ءجۇرمiز. سiز وسىمەن كەلiسەسiز بە؟

 – مۇنىمەن كەلiسiپ قانا قويمايمىن، قوسىمشا ايتارىم دا بار. جيىرما جىلدان استام ۋاقىتتان بەرi جاساعان باياندامالارىمدا، ماقالالارىمدا جەلتوقسان كوتەرiلiسi سوڭعى ەلۋ جىلدا جاپپاي جارنامالانعان، “كەڭەس وداعىندا ۇلتتىق ماسەلە تۇبەگەيلi شەشiلگەن” دەگەن كەڭەستiك ساياسي جانە عىلىمي دوكترينانىڭ بىت-شىتىن شىعاردى. ەكiنشiدەن، كەڭستiك يمپەريا قۇرامىنداعى وزگە دە ۇلتتاردىڭ نامىسىن وياتىپ، بالتىق جاعالاۋى مەن قاپقازداعى ەلدەرگە تۇرتكi جاسادى. ءۇشiنشiدەن، دەموكراتيانىڭ كەمەسiن شايقاعان “سوسلاگەر” دەگەن ۇعىمدى جەرلەپ، الەمدiك كۇشتەر تارازىسىن بiر تەڭشەپ قويدى. بiز باتىس ەلدەرiنiڭ تانىمال ساياساتتانۋشىلارى مەن تاريحشىلارىن شاقىرىپ، قازاقستاندا اۋقىمدى عىلىمي كونفەرەنسيا وتكiزۋدi بiرنەشە رەت ۇسىنعانبىز. الەمدiك ساياساتقا وزگەرiس ەنگiزگەن قازاق جاستارى ەكەنiن ءبارi مويىنداۋى تيiس.

 – كوتەرiلiستەن كەيiن قۋعىن-سۇرگiنگە ۇشىراعانداردىڭ جاپا شەككەندەردiڭ سانى تۋرالى ءارقيلى دەرەك بەر. سiز نە دەيسiز؟

 – الدەكiمدەر ايتىپ-جازىپ جۇرگەنiندەي جۇزدەگەن، مىڭداعان ادام قازا بولعان جوق، ارينە. بiراق، بiر نارسە انىق: قۋعىندالعانداردىڭ ءبارi، جاپا شەككەندەردiڭ ءبارi، كوز جۇمعانداردىڭ ءبارi انىقتالمادى. بۇلارعا بايلانىستى قىلمىستىق iس قوزعالمادى، تەرگەۋ امالدارى جۇرگiزiلمەدi.

– جەلتوقسان قۇرباندارىن “ساياسي قۋعىن-سۇرگiن قۇرباندارى” دەگەن سيپاتتامامەن بiرجاقتى اتاۋ كوتەرiلiستiڭ تاريحي ءھام ساياسي باعاسىن الۋىنا كەسiرiن تيگiزiپ جۇرگەن جوق پا؟

– بۇلار – تەك قانا ساياسي قۋعىن-سۇرگiن قۇرباندارى عانا ەمەس، قازاق ۇلتىنىڭ قۇتقارۋشىلارى، پارتيالىق-پوليسەيلiك كەڭەس وكiمەتiنە تايسالماي قارسى شىققان ناعىز قاھارماندار. سوندىقتان دا مۇنىڭ سەبەبiن باسقادان iزدەگەن ءجون.

 – جۇرت اراسىندا كوتەرiلiستiڭ ۇيىمداستىرۋشىلارى بولدى دەگەن پiكiر بار. ياعني قۇپيا ۇيىم، بەلگiلi بiر توپ، جوعارىداعى شەنەۋنiكتەر تۇرتكi جاسادى دەسەدi. ەگەر سiز بارلىق قۇپيا قۇجاتتارمەن تانىس بولساڭىز، مۇنى بiلۋگە تيiسسiز. ونىڭ ءۇستiنە مىڭداعان ادامدى سۇرادىڭىز، بەلسەندi قاتىسۋشىلارمەن اڭگiمەلەس­تiڭiز، بيلiك وكiلدەرiمەن، كۇشتiك قۇرىلىمدارمەن بايلانىستا بولدىڭىز. تiپتi ماسكەۋ مۇراعاتتارىنداعى قۇجاتتارمەن تانىسىپ، قازاقستانعا جاۋاپتى بولعان شەندiلەرمەن دە سويلەسكەن كورiنەسiز...

 – بۇل سۇراق ماعان بiرنەشە مارتە قويىلعان. ءالi دە قويىلاتىن شىعار. سوندىقتان مۇنىڭ باسىن اشىپ العانىمىز ءجون. ول كەزدەگi ساياسي جاعداي قانداي ەدi؟ سياسي كۇشتەردiڭ ارا سالماعى قانداي بولدى؟ مۇنداي نارسەنi ۇيىمداستىرۋعا كiمدەردiڭ كۇشi جەتتi؟ وعان نە تۇرتكi بولدى؟ ۇيىمداستىرۋشى كiم؟ ونىڭ ماقساتى نە ەدi؟ بيلiك پەن ارنايى قىزمەت وكiلدەرi “القاشتار مەن ناشاقورلاردىڭ توبىن ۇيىمداستىرعانداردىڭ ءاتى-جونiن انە-مiنە اتايمىز” دەپ داۋرىققاندا نەنi كوزدەدi؟

 جالپى، كەڭەس وداعى كومپارتياسى ورتالىق كوميتەتi مەن مەملەكەتتiك قاۋiپسiزدiك كوميتەتi ءۇشiن كوتەرiلiستiڭ ءدال قازاقستاندا بۇرق ەتە قالۋى كۇتپەگەن جاعداي بولدى. ول كەزدە مەن ماسكەۋدە تۇرامىن، ورتالىق كوميتەتتiڭ قوعامدىق عىلىم اكادەمياسىندا وقىپ جۇرگەم. پارتيا قىزمەتكەرلەرiمەن، عالىمدارمەن اڭگiمەلەستiم. اكادەميادا بۇرىن ورتالىق كوميتەتتiڭ يدەولوگيا سالاسىندا قىزمەت ەتكەندەر دە از ەمەس ەدi. بۇلاردىڭ ءبارi دە قازاقستاندى “ەكiنشi رەسەي”، “ۇلتتار دوستىعىنىڭ لابوراتورياسى” سانايتىن. قازاقستاندى تولىقتاي ورىستانعان، الاشورداشىلار سياقتى ۇلتشىلدارىنىڭ كوزi تۇبەگەيلi جويىلعان بەيشارا ەل سانايتىن. بارلىق جاۋاپتى قىزمەتتەردە، جەكەلەي العاندا وك-نiڭ بiرiنشi حاتشىسىن، كگب، IIم-نiڭ باسشىلارىن، باستى يدەولوگتارىن ۇزاق ۋاقىتتان بەرi ماسكەۋ تاعايىندادى. ولار ماسكەۋگە بەرiلگەن ادامدار بولدى. سوندىقتان دا كەڭەس وداعى باسشىلارى قازاقستانداعى جاعدايعا وزدەرiن كiءنالi ساناعان جوق. كiءنانiڭ ءبارiن دiنمۇحامەد قونايەۆقا جانە ونىڭ اينالاسىنداعىلارعا ارتقىسى كەلدi. “جەكە باس مۇددەلەرiنە بولا قۇپيا ۇلتشىل ۇيىم قۇردى، باس كوتەرۋلەر ۇيىمداستىردى” دەپ ايىپتاماق بولدى. مۇنداي الىپقاشپا اڭگiمەنi ارنايى قىزمەت وكiلدەرiنiڭ وزدەرi تاراتتى. بۇل جاپپاي قۋعىن-سۇرگiن جاساۋ ءۇشiن قاجەت ەدi.

 سول سەبەپتi بولماشى نارسەنi سىلتاۋ ەتiپ اسانباي اسقاروۆتى، دۇيسەتاي بەكەجانوۆتى، اندرەي ستاتەنيندi، حاسەن قوجاحمەتوۆتi، اركەن ۋاقوۆتى، مىرزا اكۋيەۆتi جانە تاعى باسقالاردى تۇتقىندادى. تiپتi سول تۇستاردا قازاقستاندا “كiشi 37-جىلدى” ۇيىمداستىرۋ جوسپارلانعان. بۇكiل قازاق حالقىنا ۇلتشىلدىعى ءۇشiن قىلمىستىق iس قوزعالعان. وزگەلەرگە ساباق بولۋى ءۇشiن. وسىدان كەيiن ورتالىق كوميتەتتە “قازاق ۇلتشىلدىعى تۋرالى” دەگەن قاۋلى قابىلداندى. قىلمىستىق iس اياسىندا بۇكiل قازاقستاندى قامتىعان ماتەريال جينالدى. زيالىلار مەن پاتريوتتار قارماققا iلiندi. بارلىق مۇراعاتتاردى استىن ءۇستiنە كەلتiردi، تiپتi الاشورداشىلار مەن ولاردىڭ اتا-بابالارى تۋرالى ءمالiمەت جينالدى. ۇلتشىلداردىڭ سوڭىنا شام الىپ ءتۇستi.

قازاق جاستارىن وقۋعا كوپتەپ تارت­قانى ءۇشiن قازمۇۋ-دiڭ بۇرىنعى رەكتورى ءومiربەك جولداسبەكوۆتi، كادر تاڭداۋداعى ۇلتشىلدىعى ءۇشiن قۋانىش سۇلتانوۆتى، ادەبيەتتەگi تۇركiشiلدiگi مەن ۇلتشىلدىعى ءۇشiن ولجاس سۇلەيمەنوۆتi، قازاق ۇلتىنىڭ رۋحىن كوتەرۋگە ەڭبەك ەتكەنi ءۇشiن اقسەلەۋ سەيدiمبەكتi، بولات نۇرعازييەۆتi، سافۋان شايمەردەنوۆتi، سابەتقازى اقاتايدى، مۇرات اۋەزوۆتi، ماقاش ءتاتiموۆتi، باسقا دا تانىمال ازاماتتاردى (جازۋشىلار، عالىمدار جانە تاعى دا باسقالاردى) قىلمىستىق جاۋاپكەرشiلiككە تارتۋ جوسپارلاندى. بۇل تiزiم وتە ۇزاق بولۋا تيiس ەدi. تiپتi ءۇش مارتە سوسياليستiك ەڭبەك ەرi، ماسكەۋدiڭ دەگەنiنەن شىقپاعان دiنمۇحامەد قونايەۆتىڭ ءوزiن “قىزمەت بابىن اسىرا پايدالاندى” دەپ قىلمىستىق جاۋاپكەرشiلiككە تارتۋدى سۇراپ، كولبين گورباچيەۆكە قۇپيا حات جازعان. ول حاتىندا كولبين بۇعان “قوعامدى دايىنداپ قويعانىن” تەك جوعارىدان رۇقسات كەرەكتiگiن ايتقان. مۇنى مەن قازiرگi ساياساتكەرلەرگە ساباق بولسىن دەپ ايتىپ وتىرمىن. يمپەريا ءوز مۇددەسi ءۇشiن ەشكiمدi ايامايدى. تiپتi ءوز ادامدارىن دا.

 ەگەر تاريحتىڭ تەگەرشiگi كەرi اينالماعاندا، ورتالىق كوميتەتكە حالىق­ارالىق ۇيىمدار قىسىم جاساماعاندا، وتىزىنشى جىلدارداعى قۋعىن-سۇرگiن تاعى دا قايتالاناتىن ەدi.

 قونايەۆتىڭ اينالسى دا، قازاقستان كومپارتياسى ورتالىق كوميتەتi بiرiنشi حاتشىلىعىنا ءۇمiتكەرلەر دە، وزگەلەر دە جاستاردى كوشەگە شىعارۋ تۇگiلi، باسىمەن قايعى بولىپ كەتتi. ولاردىڭ قىزمەتiن قالاي ساقتاپ قالۋدى ويلاۋعا، رەتi كەلگەندە جاڭا بيلiككە بۇرىنعى بيلiكتi تiلi جەتكەنشە جامانداۋعا عانا شاماسى جەتتi. ول كەزدەگi ءتارتiپ، ادامگەرشiلiك، شەنەۋنiكتەردiڭ پسيحولوگياسى، جالپى ساياسي جاعداي قازiرگiمەن سالىستىرۋعا كەلمەيتiندەي ەدi.

وسىدان كەلiپ ەرەكشە قۇبىلىس (فەنومەن) بولدى. كوتەرiلiستi قاراپايىم ادامدار ۇيىمداستىردى. ۇيىمداستىرۋشىلار مەن شەشەندەردiڭ ءرولiن كادiمگi بەلسەندiلەر، پاتريوتتار موينىنا الدى. بۇلار حالىقتى قاسىق قانى قالعانشا شىداۋعا ۇندەدi. ماسەلەن، فابريكادا جۇمىس iستەيتiندەردiڭ جارتىسىن، جاتاقحاناداعىلاردىڭ تۇگەلگە جۋىعىن كوشەگە ەرتiپ شىققان ازاماتتاردى بiلەمiن. مiنە، وسىلار ۇلتتىڭ نامىسى ءۇشiن كوتەرiلiستiڭ ۇيىمداستىرۋشىلارى بولدى. كوتەرiلiستi بiر جەردەن باسقارۋ بولعان جوق. 1986 جىلدىڭ 16 جەلتوقسانىندا د.قونايەۆتىڭ ورنىنا قايداعى بiر كولبيندi وتىرعىز­عانى تۋرالى ءمالiمدەمە قازاق ۇلتىن ءدۇر سiلكiندiردi.

 – جەلتوقسان كوتەرiلiسiنە دەيiن جانە ودان كەيiن دە بiزدە زيالى قاۋىم دەگەن توپ بولدى. ءالi دە بار. بiردi-ەكiلi زيالىلار بولماسا، جالپى زيالى قاۋىم سول تۇستا نەگە ءۇنسiز قالدى؟

 – بiزدiڭ بۇگiنگi زيالى قاۋىم وتارشىل كەڭەستiك جۇيە سiڭiرگەن ۇعىمنىڭ تۇتقىنىنان شىعا الماي قالعان. مۇندايلار ءوز ۇلتىنىڭ مۇددەسiن ساتۋدى، قورقاقتىقتى اقىلدىلىق دەپ ءتۇسiندiرگiسi كەلەدi. بiزدە ۇلتتىق يدەولوگيا، ۇلتتىق ستاندارتتار جوق. سول سەبەپتi ناعىز قاھارماندار مەن ساتقىنداردى اجىراتا الماي ءجۇرمiز. زاڭعار جازۋشى شىڭعىس ايتماتوۆ ايتىپ كەتكەندەي، بiز اقىل-ەسiن جوعالتقان، مورالدىق دەگراداسياعا ۇشىراعان ماڭگۇرتپiز.

 – 16 جەلتوقسان سiز ءۇشiن قانداي كۇن؟

 – بۇل كۇنi مەنiڭ كەۋدەمدi قۋانىش كەرنەيدi. ماقتانىشقا بولەنەم. بi­راق، اپ-ساتتە مۇڭايىپ، ەزiلiپ، قارالى كۇي كەشەم. نەگە دەسەڭiز، بۇل كۇندە جاستارىمىزدىڭ ءومiرi قيىلدى، مىڭداعان ادامنىڭ تاعدىرى تالكەككە ءتۇستi. دەمەك، بۇل – مەن ءۇشiن قۋانىشتى دا، قارالى دا كۇن. بiر سوزبەن ايتقاندا ءارقيلى سەزiمدەر شارپىساتىن كۇن.

جالپى 16 جەلتوقسان – كاھارمانداردىڭ كۇنi. ازاتتىق، تاۋەلسiزدiك ءۇشiن، قازاق جەرiن ساقتاۋ ءۇشiڭ كۇرەسكەن باتىرلاردىن كۇنi!

 «اراشا-اقپارات»

14 جەلتوقسان، 2012