«قولجەتىمدى باسپانا-2020» باعدارلاماسى بويىنشا پاتەر ءبولۋ ونلاين رەجيمدە وتەدى تۇرعىن ۇي قۇرىلىس جيناق بانكى باعىتى بويىنشا «قولجەتىمدى باسپانا-2020» باعدارلاماسىنىڭ جۇمىسى اشىق بولۋى ءۇشىن ادام فاكتورى الىنىپ تاستالدى. بۇل تۋرالى الماتىدا وتكەن بريفينگ بارىسىندا «قازاقستان تۇرعىن ءۇي قۇرىلىس جيناق بانكى» اق باسقارما ءتوراعاسى ايباتىر جۇماعۇلوۆ مالىمدەگەن بولاتىن. «قولجەتىمدى باسپانا-2020» باعدارلاماسى بويىنشا باللدى ەسەپتەۋ مەن پاتەر ءبولۋ پروسەسىنىڭ اشىق ءوتۋى ءۇشىن تولىعىمەن ادام فاكتورىنىڭ اسەرى الىنىپ تاستالدى. بانكتە اتالعان ۇدەرىستەر تولىعىمەن اۆتوماتتاندىرىلعان، پروسەستى ونلاين رەجيمدە بانك سايتىنان قاراپ وتىرۋعا بولادى»، - دەيدى باسقارما ءتوراعاسى. تۇرعىن ۇي قۇرىلىس جيناق بانكى ارقىلى ءقازىر ءۇي ساتىپ الۋشىلار پۋلىنا قاتىسۋ ءۇشىن ءوتىنىشتى ينتەرنەت ارقىلى بەرۋگە بولادى. وسى ارادا ەسكەرتەتىن جايت: تىركەۋ كەزىندە وتىنىشكە ءتيىستى ءنومىر بىرگە بەكىتىلەدى. پۋلدار بويىنشا پاتەر ءبولۋ ونلاين رەجيمدە ءوتىپ جاتىر جانە بارلىق مالىمەتتەر بانكتىڭ سايتىندا بىردەن جاريالانۋدا.