ۋكراينانىڭ راديكالدى پارتياسىنىڭ دەپۋتاتى يگور موسييچۋك وزىنە قاستاندىق جاساۋعا تاپسىرىس بەرۋى مۇمكىن كۇدىكتىلەردى اتادى،-دەپ جازادى Qamshy.kz اقپارات اگەنتتىگى.

 «تاپسىرىس بەرۋشىلەر ماسكەۋدە وتىر، ال ورىنداۋشىلار كييەۆتىكتەر»،- دەپ جازدى ول ءوزىنىڭ Facebook پاراقشاسىنا. موسييچۋككە جاسالعان بۇل قاستاندىق العاش رەت وسى ساناتتاعى ساياساتكەرگە قارسى باعىتتالىپ وتىر. ول بۇرىندارى «بەركۋتتە» قىزمەت ەتكەن وققاعارى ارقاسىندا عانا ءتىرى قالعانىن ايتتى.

«2013 جىلى مەنىڭ وققاعارىم بوگەتتىڭ ارعى جاعىندا تۇردى، ال كەشە ول ۇلتشىل مەنى قورعايمىن دەپ قازا تاپتى»،- دەدى دەپۋتات.

موسييچۋكتىڭ باسپا ءسوز قىزمەتى وعان جاسالعان وتانىڭ ءساتتى وتكەندىگىن حابارلادى. ونىڭ «جاعدايى ورتاشا» دەدى دارىگەرلەر.

ەستەرىڭىزگە سالا كەتەيىك، موسييچۋككە كەشە (25 قازان) كەشكىسىن «ەسپرەسو» تەلەكانالى ماڭىندا تۇرعان كەزىندە شابۋىل جاسالعان ەدى. ناتيجەسىندە، ءبىر ادام كوز جۇمىپ، تورتەۋى زارداپ شەككەن. بۇل وقيعا تەراكت رەتىندە تىركەلدى.