ەلباسى نۇرسۇلتان نازاربايەۆ رەسپۋبليكالىق جەتەكشى تەلەارنا وكىلدەرىنە بەرگەن بۇگىنگى سۇحباتىندا الەمدە ورىن العان داعدارىسقا قاراماستان الەۋمەتتىك تولەمدەر، زەينەتاقى،بيۋدجەت قىزمەتكەرلەرى جالاقىلارى قىسقارتىلمايتىندىعىن جەتكىزدى. سونداي-اق ەلباسى «نۇرلى جول» جاڭا ەكونوميكالىق ساياساتى اياسىندا ينفراقۇرىلىمعا اسا ءمان بەرىلەتىندىگىن  اتاپ ايتتى. ياعني، بۇل باعدارلاما بويىنشا ورتا جانە شاعىن بيزنەستى دامىتۋ قاجەت. ەندىگى جەردە وتاندىق تاۋار شىعارۋ ماسەلەسى تۇبەگەيلى قولعا الىنىپ، يمپورت جاعى بۇدان بىلاي ءجىتى قاداعالانباق. اسىرەسە، بۇل كورشى رەسەي مەملەكەتىنەن كەلەر تاۋار اينالىمىنا قاتىستى. ءرۋبلدىڭ قۇلدىراۋى رەسەي ەكونوميكاسىنا ءبىراز اسەرىن تيگىزدى. وسىعان وراي ساتىلار تاۋار باعاسى دا ءبىراز تومەندەدى، ارزانعا قىزىققاندار رەسەيدەن تاۋار تاسىپ الەك. الايدا كەدەندىك وداق ەرەجەسىنە ساي، قازاقستانعا شەتتەن كەلەر تاۋار سانىن شەكتەۋ قاجەت، ويتكەنى بۇ جاعداي ەلىمىزدەگى تاۋار وندىرىسىنە كەرى ىقپالىن تيگىزەدى دەپ كەلتىردى ءوز سوزىندە نۇرسۇلتان نازاربايەۆ.

ال بۇگىنگى تاڭداعى الەمدە ەتەك العان داعدارىس ۋاقىتشا قۇبىلىس. ورايى كەلىپ، ول دا وتەدى دە كەتەدى. بايبالامعا سالىپ، قۇر دۇرلۇگۋدىڭ قاجەتى جوق. داعدارىستى ەڭسەرۋ ءۇشىن ءبىزدىڭ ەلدە قور جەتكىلىكتى. رەسەيگە سالىنعان سانكسيالار ەلىمىزگە ەشقالاي اسەر ەتپەيدى.

" الايدا، رەسەيدەگى تاۋار باعالارىنىڭ تومەندەۋى وتاندىق بيزنەسكە كەرى اسەرىن تيگىزبەۋىن باستى نازاردا ۇستايمىز"- دەپ سەندىردى ەلباسى.

نازەركە توعجانوۆا