2015 جىلى جامبىل جابايەۆتىڭ 155 جىلدىق مەرەيتويى قارساڭىندا كييەۆتەگى كىتاپحانا جابىلا ما؟
مەرەيتويعا توسىن سىي.. كىتاپحانا ديرەكتورى تاتيانا ماركيەۆيچتىڭ ايتۋىنشا كىتاپحانانىڭ جابىلۋىنا بىردەن ءبىر سەبەپ: قازاق اۆتورلارى كىتاپتارىنىڭ ازدىعى مەن كومپيۋتەردىڭ جوقتىعى. بۇل – وقىرماندار سانىنىڭ ازايۋۋىنا دا اكەپ سوقتى. سول سەبەپتى دە كىتاپحانا جابىلعالى تۇر.
قازاقتى ۋكرايناعا تانىتقان.. "كىتاپحانا 1963 جىلى قاراشادا اشىلعان بولاتىن. بۇدان 20 جىل بۇرىن، ۋكراينا مەملەكەتى تاۋەلسىز بولعاندا، اقىن شىعارماشىلىعىنا ءتانتى بولعان كييەۆتىكتەر كىتاپحانا اتىن قالدىرۋعا ۇسىنىس جاسادى. ءبىزدىڭ كىتاپحانا قولداۋعا ءزارۋ. قازىرگى ۋكراينا ەلىندەگى داعدارىستى ەسەپكە العاندا، 2015 جىلى بيۋدجەتتەن مادەنيەت سالاسىنا بولىنەتىن قارجىدان دامەلەنبەي-اق قويۋ كەرەك. سوندىقتان كاسىپكەرلەر مەن مەسەناتتار كىتاپحاناعا وقىرمان تارتۋعا سەپ بولاتىن كومپيۋتەر ورتالىعىن اشۋعا كومەك بەرەدى دەپ ۇمىتتەنىپ وتىرمىز"، - دەدى ديرەكتور.
ونىڭ ايتۋىنشا، وسى زامانعى كومپيۋتەر ورتالىعى ۋكراين وقىرماندارىنا قازاقستان تۋرالى، جالپى قازاق اۆتورلارى شىعارماشىلىعىمەن تانىسۋعا مۇمكىندىك بەرەدى. سونىمەن قاتار، ەگەر جامبىل جابايەۆ اتىنداعى كىتاپحانانىڭ ەلەكتروندى كاتالوگى جاسالسا، وقىرماندارى دا كوبەيە تۇسەدى دەگەن ءسوز. سەبەبى ۋكراينادا كىتاپحانالارعا ينتەرنەتكە تەگىن كىرۋگە جاعى قاراستىرىلعان. مۇنىمەن قاتار، قازاقستاندىق كىتاپحانالارمەن ارىپتەس بولساق دەگەن نيەتتەمىز"، - دەيدى ماركيەۆيچ.
قازىرگى تاڭدا كىتاپحانانىڭ 4 مىڭ وقىرمانى بار، ال كىتاپحاناداعى 34 مىڭ كىتاپتىڭ 100 داناسى عانا قازاق اۆتورلارىنا تيەسىلى. ولاردىڭ ىشىندە، جامبىل جابايەۆ، مۇحتار اۋەزوۆ، ءابدىجامىل نۇرپەيىسوۆ جانە ورالحان بوكەيدىڭ دە ءبىراز ەڭبەكتەرى بار. "2015 جىلى جامبىل جابايەۆتىڭ 155 جىلدىق ۇلكەن مەرەيتويى. ءبىراق بۇل ۋاقىتقا دەيىن كىتاپحانا جابىلىپ قالۋى مۇمكىن"، - دەپ دابىل قاعادى كىتاپحانا ديرەكتورى ماركيەۆيچ.
نازەركە توعجانوۆا
دەرەككوز: tengrinews.kz
پىكىر قالدىرۋ