2014 جىلى 22-جەلتوقسان كۇنى الماتى قالاسى اكىمىنىڭ فولكلورلى-ەتنوگرافيالىق «سازگەن سازى» ءانسامبلى ءوزىنىڭ جەكە كونسەرتتىك باعدارلاماسىن وتكىزبەكشى. سالتاناتتى جيىننىڭ وتۋىنە الماتى قالاسى مادەنيەت باسقارماسىنا قاراستى «الماتى اۋەندەرى» مەملەكەتتىك كوممۋنالدىق قازىنالىق كاسىپورنى قولداۋ كورسەتىپ وتىر.

ۇيىمداستىرۋشىلار اسەم ءان مەن ءتاتتى كۇي سىيلايتىن كەش بۇرىنعىدان وزگەرەك ەكەنىن ايتادى. كونسەرت باعدارلامانىڭ 1-بولىمىندە كونە مۋزىكالىق اسپاپتارىنىڭ سۇيەمەلدەۋىمەن قازاقتىڭ بۇرىننان كەلە جاتقان ەسكى ان-كۇيلەرى ورىندالادى. ال 2-بولىمىندە زاماناۋي الەمگە تانىمال دجاز ىرعاقتاعى شىعارمالار ۇسىنىلادى. سونداي-اق، بۇل كونسەرتكە رەسەيدىڭ ەڭبەك سىڭىرگەن ءارتيسى، باشقۇرستاننىڭ حالىق ءارتيسى راميل گايزۋللين، قىرعىز ەلىنەن كەلگەن قوناعىمىز باقىتبەك شوتەنوۆ، ق ر ەڭبەك سىڭىرگەن قايراتكەرى، بىرنەشە حالىقارالىق بايقاۋلاردىڭ لاۋرەاتى، اباي اتىنداعى مەملەكەتتىك وپەرا جانە بالەت تەاترىنىڭ ءانشىسى مايرا مۇحاممەد قىزى، پرەزيدەنت ستەپەنديانتى، قازاقستان جاستار سەرپەر سىيلىعىنىڭ يەگەرى تامارا اسار جانە «قازىنا» ۆوكالدىق توبى قاتىسادى. كونسەرتتى ق ر ەڭبەك سىڭىرگەن قايراتكەرى اقان ابدۋالييەۆ جۇرگىزىپ، اسەم انمەن قاتار سالماقتى ويلار دا ايتىلماق.

كەلەم دەۋشىلەرگە ەسىك اشىق! بولاتىن جەرى: قۇرمانعازى اتىنداعى ۇلتتىق كونسەرۆاتوريانىڭ ۇلكەن زالى وتەتىن ۋاقىتى:18.00 ب ا ق قىزمەتكەرلەرىن وسى شارا تۋرالى اقپارات تاراتۋعا شاقىرامىز.

وزگە دە سۇراقتار بويىنشا باسپا ءسوز ورتالىعىنا حابارلاسۋلارىڭىزعا بولادى: 267-61-94، 267-72-96، 87013157116

"قامشى"سىلتەيدى