الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا تورعايەۆ بەكقالي بوستاندىق اۋدانىندا جالپى سانى 48 جالپى ءبىلىم بەرۋ مەكەمەلەرى ورنالاسقانىن تۋرالى ايتتى. ونىڭ ىشىندە: 15 جەكەمەنشىك، 33 مەملەكەتتىك ەكەنىن حابارلادى.

بەكقالي تورعايەۆتىڭ ايتۋىنشا، مەكتەپتەردىڭ جوبالىق قۋاتتىلىعى - 32583 وقۋشى. 2017-2018 وقۋ جىلدارىنا مەكتەپتەردە ءبىلىم الاتىن وقۋشىلاردىڭ سانى 36352 بالانى قۇراپ وتىر (مەملەكەتتىك مەكتەپتە – 30579، جەكەمەنشىك – 5773). بىلتىرعى جىلمەن سالىستىرعاندا وقۋشىلار سانى 2641 بالاعا ارتىپ، 108% وسكەن (33711 بالا).

جىل سايىنعى پاندىك وليمپيادالاردىڭ اۋداندىق كەزەڭىنە 767 وقۋشى قاتىسىپ، 379 وقۋشى جەڭىمپاز اتاندى. قالالىق كەزەڭدە 188 وقۋشى قاتىسىپ، ولاردىڭ ىشىندە 94 وقۋشى جۇلدەلى ورىندارعا يە بولدى. سونىمەن قاتار، رەسپۋبليكالىق دەڭگەيدەگى وليمپيادالارعا بوستاندىق اۋدانىنان 51 وقۋشى قاتىسقان بولسا، ولاردىڭ 49-ى، ياعني 96% جەڭىمپاز اتاندى.

2017-2018 وقۋ جىلدارىندا 3517 بالا العاش رەت مەكتەپ تابالدىرىعىن اتتادى. بىلتىرعى وقۋ جىلدارىمەن سالىستىرعاندا (4012 بالا) 495 بالاعا ازايعاندىعى بايقالادى. رەسپۋبليكالىق «مەكتەپكە جول» اتتى اكسيا اياسىندا اۋدان كاسىپكەرلەرىنىڭ قولداۋىمەن جانە «جالپىعا مىندەتتى وقۋمەن قامتۋ» قورى ارقىلى جالپى سانى 745 بالا قامتىلىپ، 20-عا جۋىق ملن. تەڭگەگە كومەك كورسەتىلدى،- دەپ ءسوزىن تۇيىندەدى بوستاندىق اۋدانىنىڭ باسشىسى تورعايەۆ بەكقالي.