قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى جيىن بارىسىندا الماتى اكىمى باۋىرجان بايبەك مەملەكەت باسشىسىنىڭ «سيفرلى قازاقستان» قۇرۋ بويىنشا بەرگەن تاپسىرماسىنا وراي قازىرگى كەزدە «Smart Almaty» يننوۆاسيالىق قالاسىن قالىپتاستىرۋعا قاتىستى بەلسەندى
«زاماناۋي تەحنولوگيالاردى دەنساۋلىق ساقتاۋ، ءبىلىم بەرۋ، بيزنەس، قاۋىپسىزدىك جانە كولىك سياقتى سالالاردا ەنگىزۋ ازاماتتارعا ەش كەزەكسىز، عالامتور ارقىلى مەملەكەتتىك قىزمەتتەردى پايدالانۋلارىنا مۇمكىندىك بەرەدى. بۇلاردان وزگە، مەملەكەتتىك قىزمەت كورسەتۋ ۋاقىتى قىسقارادى ءارى اشىق بولادى، سىبايلاس جەمقورلىققا باعىتتالعان ادامي فاكتور جويىلادى»، - دەدى باۋىرجان بايبەك.
الماتى اكىمى بۇگىندە جول قىزمەتكەرلەرى مەن اۆتوكولىكتەردىڭ بەينە تىركەۋ جانە GPS قۇرىلعىلارمەن قامتىلعانىن ايتتى.ەگەر ينسپەكتورلار بەلگىلەنگەن باعىتتان شىعاتىن نەمەسە بەينەتىركەگىشتى وشىرەتىن بولسا، وندا ولار قىزمەتتەن بوساتىلادى. بۇلاردان وزگە، جول پوليسياسى اكىمشىلىك قۇقىق بۇزۋشىلىق تۋرالى حاتتامانى ەلەكتروندى تولتىرۋعا كوشتى. بۇل وسى سالاداعى جەمقورلىقتىڭ بەلەڭ الۋىنا توسقاۋىل قويىپ، ايىپپۇلدى سول جەردە تولەۋگە مۇمكىندىك بەرەدى. ءقازىردىڭ وزىندە پوليسيا قىزمەتكەرلەرى 200-دەن استام پلانشەتپەن قامتىلعان، كەلەسى جىلى ولار پلانشەتپەن 100% جابدىقتالاتىن بولادى.
ول قالاداعى «ءبىر تەرەزە» قاعيداسىمەن بارلىق مەملەكەتتىك قىزمەتتى كورسەتەتىن «Open Almaty» قوعامدىق قابىلداۋ ورتالىعى تۋرالى دا ايتتى. بۇل ورتالىق وڭتۇستىك –شىعىس ەۋروپا ەلدەرىنىڭ اراسىندا حالىققا قىزمەت كورسەتۋدەگى يننوۆاسيالىق جوبا رەتىندە 2ء-شى ورىندى يەلەندى. ورتالىق ازاماتتار ءۇشىن سابىلىپ قالا كەزبەي، مەملەكەتتىك قىزمەتتى ءبىر جەردەن الۋعا مۇمكىندىك بەرەدى. قوعامدىق قابىلداۋ حالىققا ىڭعايلى بولۋ ءۇشىن قالا ورتالىعىندا - «Almaty Towers» عيماراتىندا ورنالاسقان. مۇندا قالانىڭ بارلىق اۋداندىق اكىمدىكتەرىنىڭ، بەس نەگىزگى باسقارمالاردىڭ، التى ورتالىق مەملەكەتتىك ورگاننىڭ، «اتامەكەن» ۇكپ-نىڭ وكىلدەرى مەن مەدياتورلار جۇمىس ىستەيدى. شاعىمدار تەلەفون جانە ينتەرنەت ارقىلى ون-لاين قابىلدانادى. اشىلعانىنا نەبارى 3 اي بولعان ورتالىققا 4 مىڭعا جۋىق وتىنىشتەر تۇسكەن.
الماتى اكىمى حالىقارالىق زەرتتەۋلەر قورىتىندىسى بويىنشا تاياۋ ارادا الەمدىك ەكونوميكانىڭ جاڭا تەندەنسيالارعا نەگىزدەلەتىنىن ايتتى. ءداستۇرلى دۇكەندەر قىزمەتىنە، قولما-قول اقشاعا، وندىرىستەگى قول ەڭبەگىنە سۇرانىس ازايادى. بارلىق ساۋدا- ساتتىق پەن قىزمەت كورسەتۋ ەلەكتورندى تۇردە ينتەرنەت ارقىلى جۇزەگە اسادى.
«بۇگىنگى كۇنى قالامىزدا ەلەكتروندى كوممەرسيا جۇيەسى كەڭ قولدانىسقا يە. مىسالى، رەسپۋبليكا بويىنشا «قازپوشتا» ارقىلى شەتەلدەن كەلەتىن پوشتالىق جونەلتىلىم كولەمى 10 ميلليوننان اساتىن بولسا، ونىڭ 40 پايىزى الماتىعا تيەسىلى. جالپى، ءقازىردىڭ وزىندە الماتىلىقتاردىڭ سيفرلى تەحنولوگيانى قولدانۋ دەڭگەيى وتە جوعارى. ەلەكتروندى ۇكىمەت پورتالىن قولدانۋشىلاردىڭ 25%-ى الماتىلىقتار. ەلىمىزدەگى تولەم كارتالارىنىڭ 30%-ى الماتىدا تىركەلگەن، بۇكىل قولما-قول اقشاسىز تولەمدەردىڭ 54 پايىزى الماتىدا جۇرگىزىلەدى»، - دەدى باۋىرجان بايبەك.
پىكىر قالدىرۋ