بقو-داعى بەرەزوۆكا جانە بەستاۋدان كوشىرىلگەندەرگە ارناپ سالىنعان مەكتەپ قاڭتاردا جۇمىسىن باستايدى، دەپ حابارلايدى Qamshy.kz اقپارات اگەنتتىگى. 

بۇل تۋرالى بقو اكىمى التاي كولگىنوۆ تۆيتتەردەگى ميكروبلوگىندا مالىمدەدى.

ونىڭ ايتۋىنشا، بەرەزوۆ جانە بەستاۋ تۇرعىندارىنا ارنالعان مەكتەپ قاڭتاردا جۇمىسىن باستايدى.
وبلىس اكىمى ءبورلى اۋدانىنا ساپارى بارىسىندا ارالتالداعى مەكتەپكە باس سۇقتى. قۇرىلىس جۇمىستارى وتكەن جىلدىڭ تامىزىندا باستالعان بولاتىن. بۇل ماقساتقا 850 ملن.تەڭگە ءبولىندى. ءبىلىم وشاعى 300 وقۋشىعا ارنالعان.

اكىم بۇل كۇنى سونداي-اق اقساي قالاسىنىڭ قاراشىعاناق-1 شاعىن اۋدانىنان سالىنعان بەس قاباتتى، 75 پاتەرلىك تۇرعىن ءۇي كىلتتەرىن پاتەر يەلەرىنە سالتاناتتى تۇردە تابىس ەتتى.

ەلباسى قابىلداعان «نۇرلى جەر» باعدارلاماسى اياسىندا سالىنعان پاتەرلەردىڭ كىلتتەرىن سىزدەرگە تابىستاعالى تۇرمىز. بۇل سىزدەرگە دەگەن مەملەكەتتىڭ قامقورلىعى. بيىل وڭىرىمىزدە ەلباسى باعدارلامالارىنا ساي ون ءتورت كوپ قاباتتى ءۇي قۇرىلىسى سالىنۋدا. وسىنىڭ ناتيجەسىندە بارلىعى 1700 وتباسى ءوز پاتەرلەرىنە قونىستاناتىن بولدى، - دەدى التاي سەيدىر ۇلى.

وبلىس اكىمى التاي كولگىنوۆ وسى ساپارىندا «قپو ب.ۆ.» كومپانياسىنىڭ باس ديرەكتورى رەناتو ماروليمەن بىرگە اتالمىش كومپانيانىڭ الەۋمەتتىك جاۋاپكەرشىلىگى اياسىندا اقساي قالاسىنان بەرەزوۆتىق تۇرعىندارعا ارناپ سالىنعان تۇرعىن ۇيگە باس سۇعىپ، پاتەر يەلەرىمەن تىلدەستى.

- ءتورت بولمەلى پاتەرگە يە بولدىق. وتباسىمىزدىڭ بارلىق مۇشەلەرىنە جەتەدى. بولمەلەر كەڭ. اۋدان ورتالىعىنان وسىنداي جايلى پاتەرگە يە بولعانىمىز ءۇشىن قۋانىشىمىز شەكسىز. ەلباسى باستاعان ەل ازاماتتارىنا ۇلكەن العىسىمىزدى بىلدىرەمىز، - دەيدى بەرەزوۆ مەكتەبىندە تاريح پانىنەن ساباق بەرەتىن جاس مامان قامار الەنوۆا.