الماتى قالاسىندا جاڭا سارباز قاتارىندا بولۋ ءۇشىن قورىتىندى كەزەڭنەن 60 اسكەرگە شاقىرىلۋشى مانداتتىق كوميسسيادان ءوتتى دەپ حابارلايدى Qamshy.kz اقپارات اگەنتتىگى الماتى قالاسىنىڭ قورعانىس ىستەرى جونىندەگى دەپارتامەنتىنىڭ باسپا ءسوز قىزمەتىنە سىلتەمە جاساي وتىرىپ. الماتى قالاسىندا كۇزگى اسكەرگە شاقىرۋ مەرزىمى اياقتالۋعا جاقىن قالدى. ءاربىر اسكەرگە شاقىرۋ الماتى قالاسىنىڭ قورعانىس ىستەرى جونىندەگى دەپارتامەنتىنىڭ باستىعى پولكوۆنيك امانتاي وسەربايەۆ جانە الماتى قالاسى ىشكى ىستەر دەپارتامەنتى جەرگىلىكتى پوليسيا قىزمەتىنىڭ باستىعى جاسۇلان بايكەنوۆتىڭ، اۋماقتىق قورعانىس جانە جۇمىلدىرۋ ءبولىمى باستىعىنىڭ، الماتى قالاسى ۇقك دەپارتامەنتى باستىعىنىڭ، باسقا دا مەملەكەتتىك باسقارۋ ورگاندارىنىڭ وكىلدەرىنىڭ قاتىسۋىمەن وتكىزىلەدى.

وتاندى قورعاۋعا جانە قىزمەت ەتۋگە ءاربىر اسكەرگە شاقىرىلۋشىنىڭ نيەتى زور. ولار الماتى قالاسىنىڭ قورعانىس ىستەرى جونىندەگى دەپارتامەنتى باستىعى پولكوۆنيك ا.س.وسەربايەۆ مىرزانىڭ سۇراقتارۆنا ناقتى-ناقتى جاۋاپ بەردى.

— ءوز ەركىمەن بارا جاتىرسىڭ با؟

— ءيا!

— ءوز ىقىلاسىڭمەن بە؟

— دەنساۋلىق جاعادايىڭ بويىنشا شاعىمىڭ بار ما؟

— جوق!

«اسكەري قىزمەت جانە اسكەري قىزمەتشىلەردىڭ مارتەبەسى تۋرالى قازاقستان رەسپۋبليكاسىنىڭ زاڭىنىڭ 28-بابىنا سايكەس جەرگىلىكتى اتقارۋشى ورگاندارىنىڭ باسشىلىعىنىڭ شەشىمى بويىنشا شاقىرۋ كوميسسياسى قۇرىلىپ، ونىڭ ءتوراعاسى بولىپ الماتى قالاسى اكىمى ورىنباسارى تاعايىندالادى. مانداتتىق كوميسسيادان كەيىن بارلىق كوميسسيا مۇشەلەرى قول قويىلعان حاتتاما تولتىرىلادى. حاتتاما نەگىزىندە اسكەري بيلەت جازىلادى. سودان كەيىن الماتى قالاسىنىڭ قورعانىس ىستەرى جونىندەگى دەپانتامەنتى باستىعىنىڭ قازاقستان رەسپۋبليكاسى قارۋلى كۇشتەرىنىڭ انىقتالعان اسكەرگە شاقىرىلۋشىلارىن شاقىرۋ تۋرالى بۇيرىعى شىعارىلادى. ءاربىر اسكەرگە شاقىرىلۋشى اسكەري بيلەتتى العاندىعى تۋرالى قول قويادى» - دەپ الماتى قالاسىنىڭ قورعانىس ىستەرى جونىندەگى دەپارتامەنتى باستىعىنىڭ ورىنباسارى پولكوۆنيك ف.قۇرمانعاجينوۆ مىرزا اقپارات بەردى.

سونىمەن قاتار الماتى قالاسىندا 2000 جۋىق اسكەرگە شاقىرىلۋشى اسكەرگە اتتانادى. اسىرەسە، قازاقستان رەسپۋبليكاسى قارۋلى كۇشتەرىنە، ۇقك شەكارا قىزمەتىنە، مەملەكەتتىك كۇزەت قىزمەتىنە، ۇلتتىق ۇلانعا جاساقتالادى. وسكەلەڭ ۇرپاق گتان الدىنداعى بورىشىن وتەۋ قاجەتتىگىن ەشقاشان ۇمىتپاۋ كەرەك. وتاندى قورعاۋ - ەلدى قورعاۋ. ال ەلدى قورعاۋ - مەملەكەتتىڭ تىنىشتىعى بولىپ تابىلماق.