استانانىڭ جاڭا جىلدىق باس شىرشاسى 18 جەلتوقساندا كەشكە جاعىلاتىن بولدى، دەپ حابارلايدى Qamshy.kz اقپارات اگەنتتىگى. بۇل تۋرالى قالا اكىمى اسەت يسەكەشوۆ ءوزىنىڭ Facebook-تەگى پاراقشاسىندا ايتتى.

«ەلىمىزدىڭ باس شىرشاسىن جاعۋعا كەلىڭىزدەر! 18 جەلتوقساندا استانادا ەكسپو كورمەسى اۋماعىندا جاڭا شىرشانى جاعۋ ءراسىمى وتەدى»،- دەپ جازادى قالا اكىمى. سونىمەن بىرگە، اكىم مەرەكەلىك شارا بارىسىندا «I'm a Singer Kazakhstan» جوباسى فيناليستەرىنىڭ جاندى داۋىستاعى اندەرى شىرقالاتىندىعىن جەتكىزدى. «قوناق رەتىندە Ringo توبى ونەرىن كورسەتەدى! جاپپاي كونكي تەبۋگە قاتىسىپ، ءتۇرلى ويىندار، انيماتورلار، فوتوالاڭدار جانە باسقا دا قىزىقتان قۇر قالماڭىزدار. ءىس-شارانىڭ باستالۋ ۋاقىتى 19:00. دوستارىڭىزدى شاقىرىڭىزدار، سول جەردە كەزدەسەيىك»، - دەيدى يسەكەشوۆ.

ايتا كەتەيىك، بۇعان دەيىن اسەت يسەكەشوۆ جاڭا جىلعا دايىندىق تاۋەلسىزدىك كۇنىنەن سوڭ باستالاتىندىعىن ايتقان بولاتىن.