سولتۇستىك قازاقستان وبلىسىندا زاماناۋي ءتاۋارلى-سۇت فەرماسى اشىلدى دەپ حابارلايدى Qamshy.kz اقپارات اگەنتتىگى 24.kz-كە سىلتەمە بەرىپ. جەرگىلىكتى كاسىپكەر مارات شاپەنوۆ قولعا العان بۇل جوبا «تۋعان جەر» باعدارلاماسى ارقىلى ىسكە اسىپ وتىر. قۇنى 1 ملرد 300 ملن تەڭگەنى قۇرايتىن كەشەن 600 باس ءىرى قاراعا شاقتالعان. فەرما  گەرمانيانىڭ سوڭعى ۇلگىدەگى وزىق قوندىرعىلارىمەن قامتىلعان. اسىل تۇقىمدى سەمينتال مەن قارا الا سيىرلارى بار شارۋا قوجالىعىندا جىلىنا 2 مىڭ 100 توننا ءسۇت وندىرىلەدى. 

ءونىم ساپاسى ارنايى زەرتحانادا تەكسەرىلەدى. ەندى كاسىپكەر زاۋىت سالىپ، ايران، قايماق پەن ىرىمشىك شىعارۋدى كوزدەپ وتىر. مارات شاپەنوۆ، فەرمەرلىك شارۋاشىلىق باسشىسى:  - «رۋحاني جاڭعىرۋ» باعدارلاماسى بويىنشا، ءبىز ەندى ەلدىڭ تۇرعىندارى بولاعسىن وسى ەلگە، ەلىمىزدى كوركەيتەيىك دەپ، گۇلدەندىرەيىك دەپ وسىنداي فەرما سالدىم. تۇراقتى ورىندار اشىلدى. 80 ورىن اشىلدى. جالاقىسى ورتاشا ەسەپپەن 100 – 120 مىڭ تەڭگە بولادى.