الماتىدا ع. مۇسىرەپوۆ اتىنداعى №86 مەكتەپ-گيمنازياسىندا ەلباسىنىڭ «رۋحاني جاڭعىرۋ: بولاشاققا باعدار»  ماقالاسى اياسىندا وقۋشىلار جاپپاي كىتاپ وقۋ مەن ءان ايتۋدان جارىسقا ءتۇستى.

بايقاۋعا ءبىلىم ورداسىنىڭ 3،4،5 جانە 6-سىنىپتارىندا وقيتىن بارلىعى 600-گە جۋىق وقۋشى قاتىستى.

يگى شارا نازاربايەۆ زياتكەرلىك مەكتەپتەرىنىڭ «100 ءان، 100 كىتاپ» جوباسى نەگىزىندە قولعا الىنعان.

«بۇل جوبانى جۇزەگە اسىرۋداعى باستى ماقسات - ۇلتتىق مادەنيەتىمىزدىڭ اسىل مۇرالارى - ءان-جىرلار مەن ادەبي شىعارمالاردى قايتا جاڭعىرتۋ جانە بالالاردىڭ سول رۋحاني قازىنالارىمىزعا دەگەن قىزىعۋشىلىعىن وياتۋ. ۇلتتىق قۇندىلىقتاردى قۇرمەتتەي بىلۋگە تاربيەلەۋ. ويتكەنى، بۇگىنگى عىلىم مەن تەحنيكا دامىعان، جاھاندانۋ ۇدەرىسى ءجۇرىپ جاتقان زاماندا جاسىراتىنى جوق، بالالار مەن جاستاردىڭ ءان جاتتاۋعا، كىتاپ وقۋعا دەگەن ىنتاسى تومەندەپ بارادى. سول ءۇشىن وسكەلەڭ ۇرپاقتى ۇلتتىق ونەرمەن، ۇلتتىق ادەبيەتتىڭ جاۋhارلارىمەن سۋسىنداتا وتىرىپ، وتانعا ادال، ۇلتجاندى  ازاماتتار ەتىپ وسىرگىمىز كەلەدى. ۇلتتىق قۇندىلىقتاردى قۇرمەتتەي بىلۋگە تاربيەلەگىمىز كەلەدى. ەل بىرلىگى - ونىڭ ونەرى مەن مادەنيتەتىندە، سالت-داستۇرىندە جاتىر. ەندەشە مادەنيەتى، ءتىلى مىقتى ەلدىڭ بولاشاعى دا باياندى»،  - دەدى وسى جوبانى ۇيىمداستىرۋشى، قىرىق جىلدىق تاريحى بار اتالمىش مەكتەپ-گيمنازيانىڭ ديرەكتورى قالدىقىز مۇسايەۆا.

بايقاۋعا دايىندىق كەزەڭى ءۇش ايدان استام ۋاقىتقا سوزىلدى. وسى كەزەڭ ىشىندە وقۋشىلار 25 ءاندى لايىقتى دەڭگەيدە جاتتاپ الۋعا كۇش سالعان. جوبا اياسىندا 3،4،5،6-سىنىپتار اراسىندا «ءان سالىپ، اۋەن توككەن 86» بايقاۋى، ال 7-مەن 11ء-ىنشى سىنىپتار ارالىعىندا «كىتاپ-سارقىلمايتىن قازىنا» بايقاۋى بويىنشا سىنعا ءتۇستى. جۇرەكتەرى لۇپىلدەپ، جۇزدەرىنە قۋانىش ۇيالاعان وقۋشىلار بارىن سالىپ ونەر كورسەتتى.  

«جارىس پاراللەل سىنىپتار اراسىندا ءوتتى. ادەتتەگىدەي ەمتيحانداعى سەكىلدى بيلەتتەر ازىرلەندى. ولارعا ءبىر-بىر اننەن جازىلىپ، جەرەبە تارتىلدى. ءاربىر سىنىپ ءاندى مۋزىكانىڭ سۇيەمەلدەۋىنسىز حورمەن شىرقادى. بۇل رەتتە ولاردىڭ كيىم ۇلگىسىنە، ساحنادا ءوز-وزىن ۇستاۋىنا، ءاندى ورىنداۋ شەبەرلىگىنە، اندەردىڭ شىعۋ تاريحىن بىلۋىنە باسا نازار اۋدارىلدى. ال كىتاپ بايقاۋى بويىنشا وقۋشىلاردىڭ كوركەم ادەبيەتكە دەگەن قىزىعۋشىلىعىن انىقتاۋ ءۇشىن «ادەبيەت پانىنەن كوركەم ادەبيەتكە» اتتى ساۋالناما الىندى. وقۋشىلاردى كىتاپ وقۋعا ءوز ويىن جۇيەلى بايانداي بىلۋگە داعدىلاندىرۋ ماقساتىندا پوەزيالىق كەشتەر مەن كونفەرەنسيالار ۇيىمداستىرىلدى. كىتاپحانا قورىن مولايتۋ ماقساتىندا «مەكتەپكە كىتاپ سىيلا» اكسياسى جۇرگىزىلىپ، ەڭ كوپ كىتاپ وتكىزگەن ءمۇعالىم مەن وقۋشى ماقتاۋ قاعازدارىمەن ماراپاتتالدى. ەندى الداعى جىلدارى اندەر مەن كىتاپتاردىڭ سانىن 100-گە جەتكىزەمىز دەگەن ويدامىز» - دەدى ق. مۇسايەۆا.

بايقاۋ قورىتىندىسى بويىنشا جەڭىمپاز كوماندالار ماقتاۋ قاعازدارىمەن ماراپاتتالدى.

ايتا كەتۋ كەرەك، بۇل بايقاۋدىڭ العاشقى كەزەڭى. قورىتىندى كەزەڭ الداعى جىلدىڭ مامىر ايىندا وتەدى. وعان ۋاقىت ءالى بار بولعانىمەن، وقۋشىلار قىزۋ دايىندىققا كىرىسىپ تە كەتتى.