الماتىدا رايىمبەك باتىر داڭعىلى مەن روزىباكييەۆ كوشەسىنىڭ قيىلىسىندا ورنالاسقان «بارىس» كوتەرمە ساۋدا كەشەنىندە ءورت بولدى، دەپ جازادى Qamshy.kz اقپارات اگەنتتىگى ازاتتىققا سۇيەنىپ.
قالالىق توتەنشە جاعدايلار دەپارتامەنتىنىڭ حابارلاۋىنشا، بازاردان ءورت شىققانى تۋرالى حابار 20 جەلتوقسانعا قاراعان ءتۇنى ساعات 4:31-دە تۇسكەن.
ءورت سوندىرۋشىلەر وقيعا ورنىنا جەتكەندە ازىق-تۇلىك ساقتالعان جەتى كونتەينەر جانىپ جاتقان. ءورت اۋماعى 900 شارشى مەتردى قۇراعان. ورتتەن ەشكىم زارداپ شەكپەگەن، ءورتتى ءسوندىرۋ كەزىندە بىرنەشە گاز باللونى سىرتقا شىعارىلعان.
بازارداعى ءورت 96 ادام مەن 27 تەحنيكانىڭ كۇشىمەن تاڭعى ساعات 6:12-دە تولىق وشىرىلگەن. ءورتتىڭ نەدەن شىققان ازىرگە حابارلانبادى.
