بيىل شىعىس قازاقستان وبلىسىندا بەس الەۋمەتتىك-مادەني نىسان پايدالانۋعا بەرىلەدى. بۇل تۋرالى وبلىس اكىمى دانيال احمەتوۆ وسى نىسانداردى سالۋ جوسپارىن تالقىلاعان جيىندا اتاپ ءوتتى جانە ولاردىڭ ءارقايسىسى بويىنشا ناقتى تاپسىرمالار بەردى، دەپ حابارلايدى Qamshy.kz اقپارات اگەنتتىگى.
بۇگىندە وسكەمەندەگى احات كۋلەنوۆ كەنتىندە ورنالاسقان عيماراتتى ءبىر اۋىسىمدا 212 ادامعا قىزمەت كورسەتەتىن ەمحاناعا اينالدىرۋ بويىنشا قايتا جوندەۋ جۇمىستارى ءجۇرىپ جاتىر. قۇرىلىس جۇمىستارىنىڭ 90%ء-تى اياقتالدى. وبلىس اكىمى بيىلعى كوكتەمدە كەنت تۇرعىندارى كوپتەن كۇتكەن نىساندى اشۋعا تاپسىرما بەردى.
وسى جىلدىڭ قىركۇيەك ايىندا اباي اۋدانىندا ۇزىندىعى 25 مەتر بولاتىن بەس جولاقتى سۋدا ءجۇزۋ باسسەينى پايدالانۋعا بەرىلەدى. بۇل نىسان اۋداندا سۋ سپورتى تۇرلەرىن دامىتۋ ماقساتىندا سالىنىپ جاتىر.
سونداي-اق شىعىس قازاقستاندا ءۇش جاڭا وقۋ ورنى پايدا بولادى. ولار: اياگوز اۋدانىنداعى 600 ورىندىق ورتا مەكتەپ، ءۇرجاراۋدانىنىڭ ماقانشى اۋىلىنداعى 320 ورىندىق ورتا مەكتەپ جانە تارباعاتاي اۋدانىنىڭ اقجار اۋىلىنداعى 300 ورىندىقينتەرنات پەن 600 ورىندىق ورتا مەكتەپ. ايماق باسشىسى اتالعان ءۇش ءبىلىم بەرۋ نىسانىن جاڭا وقۋ جىلى باستالعانعا دەيىن قولدانىسقا بەرۋدى بۇيىردى.
- ءۇش جاڭا مەكتەپتىڭ قۇرىلىس جوسپارىن قايتا قاراپ، بەكىتىڭىزدەر. قۇرىلىس جۇمىستارىن جاڭا وقۋ جىلى باستالعانعا دەيىن اياقتاۋ كەرەك، - دەدى دانيال احمەتوۆ. - سونىمەن قاتار، تارباعاتاي اۋدانىندا سالىنىپ جاتقان 300 ورىنعا ارنالعان مەكتەپ-ينتەرناتتى بالالارمەن تولتىرۋدىڭ جوباسىن جاساپ، ماعان كورسەتىڭىزدەر. ەڭ باستىسى، ينتەرنات بوس تۇرماۋى كەرەك.
سونىمەن قاتار، ايتا كەتسەك بيىل التى الەۋمەتتىك-مادەني نىساننىڭ قۇرىلىسى جالعاساتىن بولادى. ولار وسكەمەندە سالىنىپ جاتقان ءۇش مەكتەپ پەن دەنساۋلىق ساقتاۋ سالاسىنداعى ەكى نىسان. اتاپ ايتساق، گەماتولوگيالىق ورتالىقتىڭ جانە وسكەمەن قالاسىنداعى 200 ورىندىق قالالىق بالالار اۋرۋحاناسىنىڭ قۇرىلىسى .
سونداي-اق سەمەي قالاسىندا «اباي-ارەنا» مادەني-سپورت كەشەنى سالىنادى. ونىڭ قۇرىلىسى قاراعايلى جاڭا شاعىناۋدانىندا باستالماق. قۇرىلىس جۇمىستارى حالىقارالىق ستاندارتتارعا ساي سالىنۋدا جانە 5 مىڭ ورىنعا ەسەپتەلگەن. كەشەنالەمدىك دەڭگەيدەگى ءتۇرلى سپورتتىق جارىستار وتكىزۋگە مۇمكىندىك بەرەدى.
پىكىر قالدىرۋ