وتكەن تاۋلىكتە پاۆلودار وبلىسىنداعى اۆتوجولداردا 17 ادام قۇتقارىلدى جانە 169 ادام ەۆاكۋاسيالاندى. ونىڭ ىشىندە توعىزى بالا، 38 ترانسپورتتىق قۇرال شىعارىلدى، دەپ حابارلايدى  Qamshy.kz اقپارات اگەنتتىگى pavlodarnews.kz مالىمەتىنە سۇيەنىپ .

وبلىستىق توتەنشە جاعدايلار دەپارتامەنتى مەمەلەكەتتىك ءتىل جانە اقپارات توبىنىڭ حابارلاۋىنشا، ايماقتا قاتتى جەلدىڭ اسەرىنەن 13 توبە جابىندىسى  ۇشىپ كەتكەن.

دەپارتامەنتتىڭ مالىمەتىنشە، اپاتتىق-قۇتقارۋ جۇمىستارىندا 141 مامان قاتىسىپ، 63 تەحنيكا جۇمىلدىرىلعان. اۆتوكولىك ترانسپورتىنىڭ ەلدى مەكەننەن تىس وبلىستىق اۆتوموبيلدىك جولدارعا 21 موبيلدىك بلوك-بەكەت قويىلىپ، 30  تەحنيكا جانە جول پوليسيا قىزمەتىنەن 104 ادام، تجد-دەن 12 تەحنيكا جانە 41 ادام قىزمەت ەتكەن. 109 جىلىتۋ پۋنكتى دايىندالعان.

قاتتى جەلدىڭ اسەرىنەن 75 ەلدى مەكەندە ەلەكتر ەنەرگياسىنىڭ ءوشىرىلۋى تىركەلىپ، قازىرگى ۋاقىتتا قالىپقا كەلتىرۋ جۇمىستارى جۇرگىزىلىپ جاتىر. تج دەپارتامەنتىنىڭ داعدارىس ورتالىعىندا جەدەل شتاب جۇمىس ىستەپ جاتىر، جاعداي ساعات سايىن قاداعالانۋدا جانە كومەك كورسەتۋ ءۇشىن كۇشتەر مەن قۇرالدار وتكىزىلىپ جاتىر.

توتەنشە جاعدايلار دەپارتامەنتى تۇرعىنداردى مۇمكىندىگىنشە ۇيدەن شىقپاۋعا شاقىرادى. قازىرگى ۋاقىتتا قازا تاپقاندار مەن زارداپ شەككەندەر جوق.