قازاقستاندا قولايسىز اۋا رايىنا بايلانىستى 30 ادام ءقاۋىپسىز جەرگە كوشىرىلدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆتىڭ ايتۋىنشا، قارلى بوران رەسپۋبليكا جولlارىنداعى قوزعالىستى ايتارلىقتاي قيىنداتقان. مۇنداي اۋا رايى دارىگەرلەر مەن قۇتقارۋشىلارعا تۇسەتىن اۋىرتپالىقتى دا ەسەلەي تۇسكەن. مەديسينالىق كومەك سۇراپ جۇگىنگەندەردىڭ سانى كۇرت ارتتى.

«وتكەن تاۋلىكتەردە اپاتتار مەديسيناسى ورتالىعى فيليالدارىنىڭ شۇعىل ارەكەت ەتەتىن بريگادالارى 30 جابىرلەنۋشىنى ءقاۋىپسىز جەرگە كوشىردى، سونىڭ 5-ەۋى بالا، ال ءۇش ادام اۋرۋحاناعا جاتقىزىلدى»، - دەيدى يمانقۇلوۆ.

اتاپ ايتقاندا، جەدەل قىزمەتكە ارشالى كۇرە جولىنىڭ 42-رازەزىندە كۇزەت بەكەتىندە ءبىر ادام ءۇسىپ قالعنى تۋرالى حابار كەلگەن. شۇعىل جەتكەن بريگادا ونى جىلى جەرگە كوشىرگەن. استانا-قاراعاندى كۇرە جولىنداعى قىزىلسۋات اۋىلىنان 9 ادام، سونىڭ ىشىندە 5 بالا، ءبىر جۇكتى ايەل ءقاۋىپسىز جەرگە كوشىرىلدى. سەگىزى تۋىستارىنىڭ ۇيىنە جەتكىزىلسە، جۇكتى ايەل №1 پەريناتالدىق ورتالىققا جاتقىزىلدى.