قىرعىزستاننىڭ وش قالاسىندا ايەل ءوزىنىڭ 3 جاستاعى بالاسىنا قول كوتەرگەن، سونىڭ سالدارىنان ءسابي كوماعا تۇسكەن. بۇل تۋرالى Qamshy.kz اقپارات اگەنتتىگى كيرتاگ-قا سىلتەمە بەرىپ حابارلايدى.

«وش قالاسىندا 24 جاستاعى ايەل ءوزىنىڭ 2،8 جاستاعى بالاسىن تەمىر وجاۋمەن ۇرعان. بالانىڭ جاعدايى وتە اۋىر، كوماعا تۇسكەن»،- دەيدى وش قالاسىنىڭ ءىىب ءباسپاسوز-حاتشىسى زامير سىدىقوۆ.

«بالانىڭ ءىش قۇرىلىسىنا، ميىنا زاقىم كەلگەن. دارىگەرلەر بالانىڭ امان الىپ قالۋ ءۇشىن بارلىعىن جاساۋدا. بالانىڭ اناسى ءسابيدىڭ جاعدايى قاتتى ناشارلاپ كەتكەننەن سوڭ عانا اۋرۋحاناعا اكەلگەن. ءقازىر ول جانساقاتاۋ بولىمىندە جاتىر»،-دەيدى ول.

ايەل پوليسياعا بالاسىنا قول كوتەرگەنىن مويىنداماعان، ءسابيدىڭ جاراقاتتى قۇلاعان كەزدە العانىن ايتقان. ايەل اجىراسقان، جالعىزباستى انا. اتالعان وقيعاعا قاتىستى قىلمىستىق ءىس قوزعالدى.